KUBË | QEVERIA E KUQE E DIKTATORIT KASTRO RAPORTOI SE 36 MIJË GRA SHTATZËNA PËRBALLEN ME RREZIQE SHËNDETËSORE PËR SHKAK TË SANKSIONEVE TË SHBA-ës.

Havanë, Kubë | Qeveria kubaneze ka lëshuar një alarm shëndetësor, duke denoncuar se më shumë se 32 mijë gra shtatzëna po përballen aktualisht me rreziqe shëndetësore për shkak të bllokadës energjetike të vendosur nga qeveria e Shteteve të Bashkuara të Amerikës.

Një deklaratë nga Ministria e Shëndetësisë e pohon këtë, por specifikon se alarmi prek të gjitha shërbimet jetësore për të porsalindurit, të miturit, diabetikët, pacientët me kancer dhe ata që kërkojnë ndërhyrje kirurgjikale ose kujdes urgjent.

“Mungesa e karburantit po shkakton kufizime, duke përfshirë vështirësi për gratë shtatzëna në aksesin në skanimet obstetrike me ultratinguj për monitorimin e fetusit dhe testimin gjenetik për diagnostikimin në kohë të keqformimeve”, thuhet në deklaratë.

“Situata aktuale, po ndikon gjithashtu në funksionimin e përgjithshëm të spitaleve, departamenteve të specializuara, sallave të operacionit dhe njësive të kujdesit intensiv”, thuhet atje më tej.

Qeveria e diktatorit të kuq Kastro e mbyll deklaratën duke denoncuar bllokadën amerikane si një akt kriminal që rrezikon jetën e miliona njerëzve.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit