KUBË | PARTIA KOMUNISTE: UASHINGTONI PO NA SEKUESTRON NAFTËN; PIRATERIA DHE PLAÇKITJET JANË TË PALIGJSHME.

Havanë, Kubë | “Qeveria akuzoi Shtetet e Bashkuara për shkelje të ligjit ndërkombëtar duke sekuestruar karburantin e destinuar për Kubën”.

Kështu raportoi enti mediatik vendor “Diario de Cuba”, duke cituar zv.ministrin e jashtëm Karlos (Carlos) Fernandez de Kosio (Cossío), i cili e quajti piraterinë dhe plaçkitjen të paligjshme, duke iu referuar operacionit në të cilin autoritetet amerikane sekuestruan biodizel me vlerë afërsisht 3 milionë dollarë, të destinuar për një entitet kuban të sanksionuar.

Sipas Uashingtonit, 90 dërgesa u kapën në portet e Everglades-it, Floridës dhe Hjustonit.

71 tanke që përmbanin afërsisht 500 mijë gallonë biodizel dhe 19 dërgesa të tjera që përmbanin afërsisht 120 mijë gallonë.

Ministri de Kosio (Cossío) gjithashtu kundërshtoi kapjen, në muajin shtator, të një anijeje që transportonte karburant për në Kubë në ujërat ndërkombëtare.

Ai argumentoi se importi i karburantit nga subjektet publike dhe private kubaneze është i ligjshëm sipas ligjit ndërkombëtar.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit