KUBË | PARTIA KOMUNISTE FALI 2010 TË BURGOSUR PËR PASHKË.

Havanë, Kubë | Qeveria kubaneze njoftoi se kishte falur 2010 të burgosur për Javën e Shenjtë, pasi liroi 14 të burgosur politikë më pak se një muaj më parë.

Midis atyre që përfitojnë nga falja janë të rinj, gra, të moshuar mbi gjashtëdhjetë vjeç dhe shtetas të huaj që janë afër përfundimit të dënimeve të tyre.

“Si pjesë e procesit të dhënies së përfitimeve të burgimit të përcaktuara me ligj, u vendos të lirohen 2010 të dënuar përmes një faljeje të miratuar nga qeveria kubane.

Kjo masë, u bazua në një analizë të kujdesshme të natyrës së veprave penale të kryera nga të dënuarit, sjelljes së tyre të mirë në burg, vuajtjes së një pjese të konsiderueshme të dënimit të tyre dhe gjendjes së tyre shëndetësore.

Të dënuarit për krime të rënda, duke përfshirë vrasje, trafik droge, sulme seksuale, vjedhje bagëtish dhe shkelës të përsëritur, u përjashtuan nga lista e lirimeve”, tha Qeveria komuniste në një deklaratë.

Kjo është masa e dytë e faljes së vitit, e lëshuar në kontekstin e festimeve të Javës së Shenjtë, dhe e pesta që nga viti 2011.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit