KROACI | PILOTI I FORCAVE AJRORE KROATE DHE E DASHURA E TIJ SERBE NGA MITROVICA U ARRESTUAN PËR SPIUNAZH NË FAVOR TË SERBISË; NË ARRESTIMIN E TYRE KA ROL EDHE EUROPOL-i.

Zagreb, Kroaci | Znjsh. A.M., një qytetare serbe nga Mitrovica, dhe partneri i saj i hershëm, J.I., një anëtar i Forcave Ajrore Kroate dhe pilot helikopteri ushtarak, u arrestuan në Vis me akuzën e spiunazhit për Serbinë.

Sipas informacionit shumë të pakët që kemi marrë, procedurat penale kundër tyre po zhvillohen si nga policia civile ashtu edhe nga ajo ushtarake, por Europol-i është gjithashtu i përfshirë në hetim.

Hetuesit dyshojnë se piloti ushtarak i jepte sekrete partneres së tij, dhe ajo ia dërgonte ato Listës Serbe.

Enti mediatik “Index” e mori këtë informacion nga burime të besueshme, por, kur u përpoq ta verifikonte, hasi në mur heshtjeje.

Drejtoria e Policisë tha të kontaktonim Ministrinë e Mbrojtjes, meqenëse policia ushtarake është e përfshirë në këtë rast, por Ministria e Mbrojtjes ende nuk ka dhënë asnjë informacion.

Jo zyrtarisht u mësua se të dy të dyshuarit janë marrë në pyetje sot dhe se pritet një vendim nëse ata do të përfundojnë në paraburgim.

Sipas informacionit të mbledhur deri më sot, hetuesit dyshojnë se piloti ushtarak kroat, i cili, ishte i angazhuar në KFOR (forca ndërkombëtare paqeruajtëse e NATO-s në Kosovë), i dha partneres së tij informacione konfidenciale që ajo ua kaloi anëtarëve të Listës Serbe, partisë së pakicës serbe në Kosovë.

Çfarë informacioni?

Dyshohet se z. J.A. i ka dhënë të dashurës së tij informacione rreth lëvizjeve të serbëve në Veri të Kosovës nga fundi i vitit 2022 deri në këtë vit, si dhe lëvizjeve të trupave të KFOR-it.

Ndër të tjera, hetuesit pretendojnë se ai i ka zbuluar asaj informacione të dobishme në lidhje me Zubin Potokun, një vend në veri të Kosovës ku shpesh lindin probleme midis serbëve dhe kosovarëve.

Konkretisht, është pjesa më e ndjeshme politikisht dhe e sigurisë e Kosovës, sepse Beogradi dhe Prishtina e konsiderojnë atë thelbësore për kontrollin dhe integrimin e veriut.

Zubin Potoku ka qenë disa herë vend i bllokadave rrugore, protestave dhe konflikteve të serbëve vendas me autoritetet e Kosovës dhe forcat ndërkombëtare, KFOR-in dhe EULEX-in.

Për shkak të përbërjes etnike dhe ndjeshmërisë së negociatave politike, çdo incident në Zubin Potok ka një rezonancë më të gjerë politike.

Ata shkëmbyen gjithashtu informacione në lidhje me oficerin e policisë të arrestuar.

Ata akuzohen gjithashtu për shkëmbim informacioni në lidhje me transportin e të arrestuarit Dejan Pantiç, një serb, ish-anëtar i policisë së Kosovës, i cili, akuzohet për pjesëmarrje në sulme ndaj anëtarëve të Komisionit Qendror të Zgjedhjeve në veri të Mitrovicës.

Arrestimi i tij në muajin dhjetor të vitit 2022 shkaktoi një reagim të ashpër të popullsisë serbe të Kosovës në komunat veriore - u ngritën barrikada në rrugët për në vendkalimet Jarinje dhe Bërnjak, të cilat, zgjatën për gati tre javë, me kërkesën kryesore: lirimin ose transferimin e z. Pantiç nga burgu.

Roli i helikopterëve të KFOR-it.

Meqenëse Kosova nuk ka helikopterë të vet, Ministria e Brendshme kërkoi ndihmën e forcave ndërkombëtare (KFOR) për të transferuar z. Pantiç nga baza policore pranë Jarinjes në një burg më të përshtatshëm.

KFOR-i është në fakt e vetmja forcë në rajon që ka helikopterë dhe aftësinë për të transportuar persona të ndaluar.

KFOR-i gjithashtu ka ndihmuar më parë në transportin e policëve të sëmurë rëndë për shkak të bllokadave rrugore.

Pas gati 19 ditësh, gjykata vendosi ta transferojë atë në arrest shtëpiak, që ishte arsyeja kryesore për çmontimin e barrikadave.

Familja dhe miqtë e çiftit të arrestuar janë shumë të tronditur, veçanërisht pasi AM ka qenë disa herë në Kroaci.

Në Serbi, ajo punoi për një kompani të huaj dhe në rrethet gazetareske njihet si gazetare nga Mitrovica e Kosovës.

Me profesion është sociologe.

Partneri i saj, me të cilin ajo e ndërpreu dhe e rifilloi lidhjen disa herë, është anëtar i Ushtrisë Kroate.

Sipas informacioneve të disponueshme publikisht, ai më shpesh ishte i punësuar si pilot helikopteri ushtarak.

Piloti ushtarak i arrestuar mori pjesë në operacionet e shpëtimit, ishte gjithashtu në Afganistan.

Ai gjithashtu mori pjesë në operacione shpëtimi që përfshinin Forcat Ajrore Kroate dhe në misione paqeruajtëse - në Kosovë dhe Afganistan.

Është një fakt i pazakontë që të dy u arrestuan më 25 korrik të këtij viti.

Z. J.I. përfundoi në burg, ndërsa znjsh. A.M. mori një vendim për dëbim nga Kroacia dhe u vendos në qendrën e pritjes për të huajt në Trilje.

Mund të konkludohet se hetuesit më pas gjetën komunikime në telefonat e tyre celularë që ata besojnë se janë pjesë e aktiviteteve të spiunazhit dhe i bashkëngjitën ato si prova.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit