KREMLINI: PO PRESIM PROPOZIME SE KUR DO TË ZHVILLOJMË BISEDIMET ME KIEVIN | PRESIDENTI TRAMP (TRUMP): DO TË DËRGOJMË RAKETA PATRIOT NË UKRAINË; PUTINI FLET ME MIRËSI POR BOMBARDON GJITHË NATËN.

Moskë, Federata Ruse | “Rusia vazhdon të presë propozime se kur do të mbahet raundi i ardhshëm i negociatave me Ukrainën”, deklaroi zëdhënësi i Kremlinit, Dmitri (Dmitry) Peskov, në një konferencë për shtyp.

“Është e qartë se Kievi nuk ka nxitim. Ne vazhdojmë të presim propozime mbi kohën (e raundit të tretë të negociatave)”, tha Peskov.

“Shtetet e Bashkuara do të dërgojnë disa pjesë të pajisjeve ushtarake shumë të sofistikuara në Ukrainë, për të cilat Kievi do të paguajë 100 përqind”, u tha Presidenti i ShBA-ës Danlld Tramp (Donald Trump) gazetarëve.

“Ne do t'u japim atyre sisteme Patriot, të cilat u nevojiten me dëshpërim”, shtoi ai, pa specifikuar se sa bateri synon t'i japë Kievit.

“Presidenti rus Vladimir Putin ka habitur shumë njerëz: ai flet me mirësi, pastaj bombardon të gjithë në mbrëmje, por është një problem. Nuk më pëlqen”, tha presidenti i ShBA-ës.

Dje, në një intervistë me gazetarin e VGTRK-së, Pavel Zarubi Presidenti Vladimir Putin deklaroi se Rusia duhet të arrijë lidership në fushat strategjike, por duhet ta bëjë këtë bazuar në vlerat e saj tradicionale, duke ruajtur dhe zhvilluar çdo aspekt.

“Sigurimi i së ardhmes së vendit do të jetë i pamundur nëse zhvillimi nuk bazohet në historinë e paraardhësve tanë, në vlerat tradicionale, në thelbin e thellë të shoqërisë, i cili kalohet brez pas brezi”, tha ai.

Sipas presidentit rus, suksesi i pret të gjithë ata që zhvillohen mbi këtë themel moral, historik dhe tradicional.

Ndërkohë, i dërguari i posaçëm presidencial i SHBA-së, Keith Kellogg, ka mbërritur në Ukrainë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit