KREMLINI HESHTI NJË HERË E PËRGJITHMONË PRIGOZHININ.

Federata Ruse, Moskë | Z. Jevgeni Prigozhin (Yevgeny Prigozhin), i cili udhëhoqi një rebelim të dështuar kundër z. Vladimir Putin, ishte në një aeroplan që u rrëzua në Rusinë perëndimore, thonë zyrtarët e aviacionit. Autoritetet thonë se të 10 personat në bord u vranë pasi avioni privat u rrëzua pranë fshatit Kuzhenkino. Ata gjithashtu thonë se pasagjerët përfshinin z. Prigozhin, i cili është kreu i grupit mercenar Uagner, dhe krahu i tij i djathtë, z. Dmitri Utkin (Dmitry Utkin). Presidenti Putin ka folur në samitin e BRICS në Afrikën e Jugut përmes video-lidhjes, por nuk përmendi z. Prigozhin apo rrëzimin e avionit. Autoritetet ruse kanë nisur një hetim për shkakun e rrëzimit, mes spekulimeve të shumta. Z. Prigozhin mbajti një profil të ulët publik, që kur udhëhoqi kryengritjen e tij në qershor, e cila zgjati vetëm 24 orë. Ai u shfaq për herë të fundit në një video në fillim të kësaj jave, e cila, u tha se ishte filmuar në një vend të paspecifikuar në Afrikë. Grupi mercenar Uagner u themelua në vitin 2014, dhe ishte shumë aktiv në luftën e Ukrainës deri në kryengritje. Nga z. Erton Duka. © Copyright | Agjencia Telegrafike Vox