KOSTA RIKË | PRESIDENTJA LAURA FERNANDEZ: MË 14 TETOR DO TË PËRUROHET BURGU I RI PËR KRIMIN E ORGANIZUAR.

San Jose, Kosta Rikë | Presidenca e Kosta Rikës ka njoftuar se Qendra e Kontrollit të Lartë kundër Krimit të Organizuar (Cacco) do të përurohet më 14 tetor.

Gjatë një mesazhi drejtuar kombit, presidentja Laura Fernandez tregoi pamje të infrastrukturës së re, duke hedhur poshtë kritikat e atyre që e quajnë atë një burg të madh.

“Sot mund të themi me krenari se Qendra e Kontrollit të Lartë kundër Krimit të Organizuar është gati”, - tha presidentja Fernandez.

Kompleksi ndodhet brenda Burgut La Reforma në San Rafael de Alajuela dhe do të ketë një kapacitet prej afërsisht 5100 të burgosurish të ndarë në pesë module.

Qëllimi është të izolohen kriminelët e lidhur me trafikun e drogës duke vendosur kufizime të rrepta për t'i parandaluar ata të vazhdojnë të koordinojnë aktivitete të paligjshme nga qelitë e tyre.

Presidentja Fernandez shpjegoi se puna i përgjigjet kërkesave të qytetarëve dhe dhimbjes së viktimave.

“Projekti synon të sigurojë familjet e ndershme dhe një popullsi që është e lodhur nga pandëshkueshmëria dhe kërkon një luftë të ashpër kundër kriminelëve”, - tha presidentja Laura Fernandez.

Gjatë të njëjtit fjalim, qeveria njoftoi gjithashtu subvencione të reja mjedisore për peshkatarët e Puntarenas dhe dhurimin e pajisjeve të sigurisë detare nga Ambasada e ShBA-ës.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit