KONFEDERATA E ZVICRËS | NJË TREN DOLI NGA SHINAT PËR SHKAK TË NJË ORTEKU DËBORE; 30 PASAGJERË U EVAKUUAN; 80 PASAGJERË GJENDESHIN NË BORD.

Valais, Konfederata e Zvicrës | Një tren doli nga shinat këtë mëngjes pranë fshatit të vogël Goppenstein, në Valais.

Kështu u raportua nga policia kantonale.

Uebsajti i Hekurudhave Zvicerane (SBB) deklaroi se trafiku hekurudhor u ndërpre midis Goppenstein-it dhe Brig-it (në linjën Frutigen-Brig) dhe se shkaku ishte një ortek.

Ndërprerja në linjën Frutigen-Brig do të vazhdojë deri të paktën në orën 16:00 - sot.

Policia e Valais-it raportoi se afërsisht 30 veta u evakuuan nga treni rajonal. Policia njoftoi se do të mbajë një konferencë për shtyp për të dhënë detaje të mëtejshme.

Sipas entit mediatik “Pomona”, në tren kishte afërsisht 80 pasagjerë.

BLS-ja, pronarja e trenit, raporton për dhjetëra pasagjerë dhe se vendi i saktë i aksidentit ishte tuneli Stockgraben, midis Goppenstein-it dhe Hohtenn-it.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit