KOMISIONERI I EKONOMISË I BASHKIMIT EVROPIAN VALDIS DOMBROVSKIS: NUK DO TË FLAS ME MINISTRIN RUS NË G20-të NGA RESPEKTI PËR VIKTIMAT.

Bruksel, Mbretëria e Belgjikës | “Personalisht, kam pasur dhe vazhdoj të kem probleme në diskutimin e temave të tilla si çekuilibrat globalë me një përfaqësues të një vendi agresor që kryen sulme brutale kundër civilëve çdo ditë.

Është çështje respekti për viktimat”.

Kështu tha komisioneri i Ekonomisë i Bashkimit Evropian, Valdis Dombrovskis, duke komentuar pjesëmarrjen e ministrit rus të Financave, Anton Siluanov, në samitin e G20-ës në ShBA-ës.

“Komisioneri po përfaqëson Komisionin në takimin e G20-ës.

Ai nuk ka pasur asnjë kontakt me ministrin rus dhe as nuk ka ndërmend të ketë ndonjë”.

Kështu tha zëdhënësja ekzekutive e Bashkimit Evropian Paula Pinho, në konferencën për shtyp.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit