KOMANDA JUGORE E TEATRIT TË MARINËS KINEZE PRETENDON SE DËBOI NJË ANIJE LUFTARAKE AMERIKANE NGA UJËRAT TERRITORIALE TË PRETENDUARA NGA KINA DHE NGA FILIPNET.

Pekin, Kinë | Ushtria Çlirimtare Popullore ka dëbua” shkatërruesin amerikan Higgins, i cili sot hyri ilegalisht në ujërat territoriale pranë Huangyan Dao në Detin e Kinës Jugore.

Këto janë Scarborough Shoals, sipas emrit të tyre ndërkombëtar, ose Panatag Shoals, sipas emrit të dhënë nga Filipinet, të cilat, kanë qenë të angazhuara në një pretendim prej vitesh për zonën në një mosmarrëveshje të ashpër me Pekinin.

He Tiecheng, një zëdhënës i Komandës Jugore të Teatrit të Marinës Kineze, raportoi se forcat e armatosura kineze organizuan njësi për të ndjekur, monitoruar, lëshuar alarme dhe dëbuar ligjërisht anijen luftarake amerikane, e cila, hyri në ujërat territoriale pranë Huangyan Dao pa autorizimin e qeverisë kineze.

Veprimet e ShBA-ës, thuhet në deklaratë, kanë shkelur rëndë sovranitetin dhe sigurinë e Kinës, kanë minuar paqen dhe stabilitetin në Detin e Kinës Jugore dhe kanë shkelur të drejtën ndërkombëtare dhe normat themelore që rregullojnë marrëdhëniet ndërkombëtare.

Zëdhënësi më në fund kujtoi se forcat detare të Komandës së Teatrit Jugor mbeten në gatishmëri të lartë në çdo kohë për të mbrojtur me vendosmëri sovranitetin dhe sigurinë kombëtare, si dhe paqen dhe stabilitetin në rajon.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit