KOLUMBIA IU BASHKUA BANKËS BRICS EDHE PSE NUK ËSHTË ANËTARE THEMELUESE E BLLOKUT BRICS | PRESIDENTI KOLUMBIAN GUSTAVO PETRO E KISHTE KËRKUAR GJATË VIZITËS SË TIJ NË KINË NË MUAJIN MAJ.

Bogotë, Kolumbi | Kolumbia është bërë vendi i parë i Amerikës së Jugut që nuk është anëtar themelues i bllokut BRICS, i përbërë nga Brazili, Rusia, India, Kina dhe Afrika e Jugut, që i bashkohet Bankës së Re të Zhvillimit të bllokut, të kryesuar nga ish-presidentja braziliane Dilma Rousseff.

Ministrja e Jashtme kolumbiane Laura Sarabia e përshkroi pranimin si një zgjerim të horizontit për vendin, ndërsa Ministri i Financave Germán Ávila Plazas tha përmes llogarisë zyrtare të Presidencës kolumbiane se pranimi hap mundësi të reja financimi për projekte strategjike dhe është një hap themelor për të diversifikuar aleancat dhe për të forcuar ekonominë e vendit.

Kërkesa për pranim u bë nga Presidenti kolumbian Gustavo Petro gjatë vizitës së tij të fundit në Kinë, majin e kaluar, ku u nënshkrua edhe një memorandum mirëkuptimi për t'u bashkuar me Iniciativën e Rrugës së Mëndafshit.

“Pavarësisht se është anëtarësuar në Bankën e Zhvillimit të bllokut, Kolumbia nuk është anëtare e BRICS”, raporton faqja e internetit e gazetës “El Tiempo”.

Banka BRICS u krijua në vitin 2015 nga vendet anëtare të bllokut si një alternativë ndaj Bankës Botërore dhe Fondit Monetar Ndërkombëtar.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit