KOLUMBI | QEVERIA: NUK DO T’I VRASIM HIPOPOTAMËT E NARKOTRAFIKANTIT PABLO ESKOBAR.

Bogotë, Kolumbi | Ministri i ardhshëm i Mjedisit i Kolumbisë, Fabio Arjona, i emëruar nga presidenti i zgjedhur Abelardo de la Espriella, ka përjashtuar mundësinë e eliminimit të hipopotamëve të sjellë në vitet 1980 nga narkotrafikanti Pablo Eskobar, duke vënë në pikëpyetje planin e nisur nga qeveria e ish-presidentit Gustavo Petro.

“Kontrolli vdekjeprurës nuk është zgjidhja”, - tha ministri Arjona për mediat vendore, duke propozuar strategji alternative si sterilizimi dhe zhvendosja e kafshëve.

Ky qëndrim ka tërhequr kritika nga biologët dhe autoritetet mjedisore, të cilët argumentojnë se braktisja e njërës prej masave të planifikuara rrezikon përkeqësimin e përhapjes së specieve pushtuese, që aktualisht vlerësohet në midis 280 dhe 300 individë.

Programi i miratuar në vitin 2026 kërkonte eliminimin e 80 kafshëve në vit për të parandaluar që popullata të arrijë në 1000 deri në vitin 2035.

Ekspertët theksojnë gjithashtu se përpjekjet për sterilizim dhe zhvendosje deri më tani kanë dhënë rezultate të kufizuara, ndërsa hipopotamët vazhdojnë të zgjerohen përgjatë pellgut të lumit Magdalena, me ndikime dhe rreziqe në rritje mjedisore për popullatën.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit