KENIA: VRASËSI SERIAL PSIKOPATIK DHE VAMPIR I GRAVE U ARRATIS NGA BURGU | KALLINS XHUMAISI (COLLINS JUMAISI) KA RRËFYER SE KA VRARË 42 GRA (PËRFSHIRË GRUAN E TIJ) MIDIS VITEVE 2022 DHE 2024.

Nairobi, Kenia | Policia keniane ka njoftuar se do të ofrojë një shpërblim për informacionin që çon në arrestimin e një vrasësi serial të dyshuar, i cili u arratis nga një stacion policie në Nairobi disa ditë më parë.

“Një shpërblim i konsiderueshëm financiar do t'i jepet kujtdo që jep informacion të besueshëm që çon në arrestimin e të dyshuarit”, tha Drejtoria e Hetimeve Kriminale, pa specifikuar shumën e shpërblimit.

I dyshuari për vrasjen e dhjetëra grave, Kallins Xhumaisi (Collins Jumaisi), me moshë 33 vjeç, u arratis nga një komisariat natën mes të hënës dhe të martës, së bashku me 12 të burgosur të tjerë eritreanë në një situatë të parregullt.

Ai u arrestua më 15 korrik 2024, disa ditë pas zbulimit të nëntë trupave, të gjymtuar dhe copëtuar, të mbyllur në thasë në një vendgrumbullim, në jug të Nairobit.

Sipas autoriteteve, ai, i përshkruar si një vrasës serial psikopatik dhe vampir ka rrëfyer se ka kryer 42 vrasje të grave midis viteve 2022-2024 - e para prej të cilave ishte ajo e gruas së tij.

Pas arratisjes së vrasësit serial, pesë oficerë policie kenianë u paditën.

Arratisja ndodhi teksa oficerët po hanin mëngjes, duke prerë një çati me rrjetë metalike dhe më pas duke ngjitur një mur rrethues.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit