KATAR | FORCA MBROJTËSE E IZRAELIT KREU SULM USHTARAK MBI DOHA ME QËLLIM VRASJEN E FIGURAVE DREJTUESE TË HAMASIT; 3 FIGURA TË VRARA.

Doha, Katar | Televizioni saudit “al Arabiya” raporton se udhëheqësi i Hamasit, Khalil al-Hayya (kryenegociatori dhe ish-zëvendës i Jahja Sinuarit (Yahya Sinwar)) u vra në një sulm në Doha.

Sipas burimeve palestineze, në ndërtesën e shënjestruar ishin të pranishëm edhe udhëheqës të tjerë si:

1- Z. Khaled Meshaal.

2- Z. Muhammad Daruish (Darwish).

3- Z. Razi Hamad dhe Izzat al-Rishq.

Burime i thanë televizionit “al-Hadath” të Arabisë Saudite se udhëheqësit e Hamasit, Zaher Jabarin, Khaled Mashaal dhe Nizar Awdallah u vranë gjithashtu në sulmin izraelit në Doha.

Një burim i Hamasit i tha entit mediatik “Al Jazeera” se udhëheqësit e grupit u shënjestruan në Doha ndërsa diskutonin propozimin e Presidentit të ShBA-ës Danlld Tramp (Donald Trump) për një armëpushim në Gazë.

“Veprimi i sotëm kundër udhëheqësve kryesorë terroristë të Hamasit ishte një operacion plotësisht i pavarur nga Izraeli.

Izraeli e nisi atë, Izraeli e udhëhoqi dhe Izraeli merr përgjegjësi të plotë”, shkroi në një deklaratë zyra e kryeministrit izraelit Benjamin Netanjahu.

Sipas burimeve të entit mediatik “Channel 12” Presidenti i ShBA-ës Danlld Tramp (Donald Trump) i ka dhënë dritën jeshile sulmit izraelit në Katar.

Katari e quajti sulmin izraelit ndaj selisë së Hamasit në Doha si sulm frikacak.

“Është një shkelje flagrante e të gjithë ligjit ndërkombëtar”, thuhet në deklaratën e qeverisë të transmetuar nga enti mediatik “Al Jazeera TV”.

Sipas burimit, qeveria e Katarit ka hapur një hetim të menaxhuar nga nivelet më të larta të institucioneve të vendit.

Një zyrtar i lartë izraelit konfirmoi për entin mediatik “Channel 12” se një operacion vrasjeje i synuar u krye kundër figurave të larta të Hamasit në tokën e Katarit, në kryeqytetin Doha.

Një shpërthim ndodhi në selinë e organizatës terroriste Hamas.

“IDF-ja dhe Shin Bet-i thanë menjëherë pas shpërthimeve në Doha se forcat ajrore kishin në shënjestër drejtuesit e lartë të organizatës terroriste Hamas”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit