KANCELARI FEDERAL FRIDRISH MERC (FRIEDRICH MERZ): NUK DO TA PRANOJMË URREJTJEN NDAJ HEBRENJVE NË GJERMANI.

Berlin, Republika Federale e Gjermanisë | “Ne nuk do të pranojmë urrejtjen ndaj hebrenjve në këtë vend”.

Kështu tha Kancelari Federal Fridrish Merc (Friedrich Merz) - duke folur në Shtutgart (Stuttgart), në kongresin e CDU-së, ku mori pjesë edhe ish-Kancelarja Angela Merkel, e cila, drejtoi gishtin nga mjediset politike në të cilat rrënjoset antisemitizmi.

“Ne qëndrojmë me hebrenjtë në Gjermani dhe Izrael”, shtoi ai.

Kancelari Merc (Merz) tha më pas se ne qëndrojmë me miqtë tanë ukrainas, pa asnjë nëse, ose por, dhe se ata që shpallin pacifizëm naiv sot, po promovojnë luftërat e së nesërmes.

Lidhur me marrëdhëniet transatlantike, ai deklaroi se ne nuk do të heqim dorë sipërfaqësisht nga miqësia jonë me Shtetet e Bashkuara dhe do të luftojmë për të siguruar që ajo të mbetet.

Kancelari Merc (Merz) theksoi se ne duhet të marrim përgjegjësi për veten tonë.

“Ne duhet ta bëjmë këtë dhe ne duam ta bëjmë këtë. Ne duam të jemi të sigurt, të fortë dhe të lirë. Dhe para së gjithash me miqtë tanë në Evropë”, tha ai.

Kancelari Merc (Merz) foli më pas për ekonominë gjermane, duke i kërkuar partisë së tij dhe vendit të rrisin performancën e lokomotivës evropiane.

“Gjermania duhet të jetë në formën më të mirë! Ose nuk do t'ia dalim. Gjermania duhet të mbetet një vend industrial”, shtoi ai.

“Evropa ka nevojë për një Gjermani të fortë. Ky është parakushti për një Evropë të fortë. Marrja e borxhit të ri ishte një vendim i vështirë”, tha ai - duke shtuar se megjithatë ishte i nevojshëm.

U njoftua se Kancelari Merc (Merz) do të jetë në një vizitë shtetërore në Kinë nga data 24 deri në datën 26 shkurt.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit