KAMPIONATI I UIMBLEDONIT (WIMBLEDON): ITALIANI JANNIK SINNER BËRI HISTORI DUKE MPOSHTUR SPANJOLLIN KARLOS ALKARAZ NË KATËR SETE DUKE TRIUMFUAR NË FUSHAT ME BAR TË LONDRËS.

Londër, Mbretëria e Bashkuar | Tenisti Jannik Sinner mbretëron suprem në Uimbledon (Wimbledon).

Nga zhgënjimi i Parisit te hakmarrja e Londrës, bari i Londrës i buzëqesh tenistit numër një në botë.

I cili - 35 ditë pasi humbi finalen në Roland Garros - rishkruan historinë e tenisit italian duke u bërë italiani i parë që triumfon në Kampionat, duke mposhtur rivalin e përbetuar Karlos Alkaraz (Carlos Alcaraz) në finale.

Asnjëherë në 137 edicionet e mëparshme të Uimbledonit nuk kishte triumfuar një italian në All England Club.

Para tij, Matteo Berrettini dhe Jasmine Paolini ishin detyruar të kënaqeshin duke arritur epilogun e turneut më të vjetër të tenisit.

Një sukses plotësisht i merituar për tirolin e Jugut, i cili, vuajti vetëm nga familjariteti më i madh i spanjollit në barin e Londrës në setin e parë, përpara se ta mbyllte ndeshjen në katër sete (4-6 6-4 6-4 6-4) në pak më shumë se tre orë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit