KA ZËRA SE POLONIA DO TË NDALOJË FLUTURIMIN E AEROPLANIT TË KRYEMINISTRIT SLLOVAK ROBERT FIKO (FICO) MBI TERRITORIN E SAJ GJATË RRUGËS PËR NË MOSKË PËR PARADËN E 9 MAJIT.

Varshavë, Poloni | “Polonia do të ndalojë fluturimin e aeroplanit të Kryeministrit sllovak Robert Fiko (Fico) mbi territorin e saj gjatë rrugës për në Moskë për paradën e 9 majit”.

Kështu thanë burime në qarqet diplomatike polake për agjencinë ruse të lajmeve “Ria Novosti”.

“Kërkesa për leje fluturimi për aeroplanin e Kryeministrit sllovak po vlerësohet zyrtarisht dhe do të vazhdojë të jetë kështu për njëfarë kohe, por askush nuk ka ndërmend ta japë atë. Kjo është 100% e sigurt”.

Kështu deklaroi burimi i agjencisë së lajmeve në fjalë.

Më 15 mars, Kryeministri Fiko (Fico) njoftoi gatishmërinë e tij për të marrë pjesë në festimet e Ditës së Fitores në kryeqytetin rus.

Ambasadori rus në Sllovaki, Sergei Andreiev (Sergey Andreyev), i tha gjithashtu agjencisë ruse të lajmeve “Ria Novosti” në muajin mars se Rusia kishte konfirmuar gatishmërinë e saj për të pritur Kryeministrin sllovak më 9 maj për pjesëmarrjen e tij në festimet e Ditës së Fitores.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit