JAPONI | QEVERIA METROPOLITANE E TOKIOS PO U BËN THIRRJE BURRAVE TË VESHIN PANTALLONA TË SHKURTRA NË PUNË; GRATË THONË SE NDIHEN TË NGACMUARA KUR SHOHIN KËMBË ME QIME.

Tokio, Japoni | Qeveria Metropolitane e Tokios po u bën thirrje punonjësve të kompanive të heqin dorë nga kostumi dhe kravata e zakonshme dhe të zgjedhin veshje më të rehatshme, të tilla si bluza, atlete dhe pantallona të shkurtra.

Guvernatorja e Tokios, Juriko (Yuriko) Koike, prezantoi programin “Tokyo Cool Biz” në muajin prill, me shpresën për të zgjeruar iniciativën e saj karakteristike për luftimin e nxehtësisë, e cila tani është bërë një traditë vjetore verore e njohur gjerësisht.

Gati katër muaj më vonë, politika e re që lejon pantallonat e shkurtra në zyrë po merr kritika.

Disa komentues i vlerësojnë rregullat e zbutura pasi ato i ndihmojnë ato të punojnë më rehat.

Të tjerë argumentojnë se politika është e padrejtë për gratë, pasi ato ende duhet të veshin geta kur ekspozojnë një pjesë të këmbëve të tyre, ndërsa burrat tani mund të zgjedhin pantallona të shkurtra.

Disa gra përshkruajnë përjetimin e ngacmimit nga qimet në këmbë ose, siç quhet në internet, sunehara, duke iu referuar sikletit që ndiejnë kur detyrohen të shohin qimet e këmbëve të kolegëve të tyre.

Vitet e fundit, gjithnjë e më shumë punëtorë japonezë, veçanërisht ata që punojnë në startup-e dhe kompani teknologjike, kanë filluar të veshin rroba të përditshme.

Por këtë vit, një rekomandim nga qeveria e Tokios e ka bërë këtë praktikë më të pranueshme shoqërisht.

Megjithatë, disa burra turpërohen nga qimet në këmbë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit