ITALI | KRYEMINISTRJA XHORXHA (GIORGIA) MELONI: NJË PRESIDENT I KRAHUT TË DJATHTË MUND TË MOS JETË MË NJË TABU.

Romë, Itali | “Mendohej se asgjë nuk mund të ndryshonte, dhe në vend të kësaj është demonstruar se gjërat mund të ndryshojnë, dhe nuk është e sigurt që kjo tabu tjetër e madhe nuk mund të kapërcehet, ajo e të pasurit një President të Republikës që nuk është i qendrës së majtë.

Është çështje thënieje diçka shumë banale, domethënë që kushdo që nuk është i krahut të majtë nuk është fëmijë i një perëndie më të vogël, ai ka të njëjtat të drejta si të gjithë të tjerët.

Kjo vlente për presidencën e Këshillit të Ministrave, për mundësinë e qeverisjes, dhe mund të vlente për presidencën e Republikës, por italianët do të vendosin”.

Kështu tha kryeministrja Xhorxha (Giorgia) Meloni në një intervistë me gazetarin Nikola (Nicola) Porro, e ftuar në emisionin “10 Minuti”, që transmetohet sonte në kanalin televiziv vendor “Rete 4”.

“Nuk jam antiamerikane sot; nuk isha në gjunjë dje. Jam dikush që beson se Perëndimi është më i fortë kur është i bashkuar dhe kam punuar drejt kësaj. Marrëdhëniet e forta bazohen gjithashtu në sinqeritet. Jam një person i sinqertë sot, siç isha dje”, shtoi ajo.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit