___.png)
ITALI: 100 VETËVRASJE NË BURG MIDIS VITEVE 2023 DHE 2024 | TË BURGOSURIT E HUAJ MË TË PRIRUR PËR VETËVRASJE.
- Agjencia Telegrafike Vox
- Apr 22, 2024
- 2 min read
Romë, Itali | Vazhdon urgjenca e vetëvrasjeve në burg.
Pas vitit 2022, me 85 vetëvrasje të konfirmuara, 2023 dhe 2024 vazhdojnë të regjistrojnë shifra të larta.
Në vitin 2023 të paktën 71 veta vranë veten.
Në muajt e parë të 2024, të paktën 30; në fakt ka vdekje të shumta me shkaqe ende të paqarta.
Edhe pse në rënie krahasuar me vitin 2022, 70 vetëvrasjet në vitin 2023 janë numri më i lartë pas atij të vitit 2022.
Në tridhjetë vitet e fundit, vetëm në vitin 2001 janë shënuar 69 vetëvrasje, numri më i lartë historik është edhe më alarmues për vitin 2024.
Nga fillimi i janarit deri në mes të prillit të këtij viti janë konfirmuar 30 vetëvrasje. Një në çdo 3 ditë e gjysmë. Kjo bëhet e ditur nga raporti i shoqatës Antigona* (shoqatë për të drejtat dhe garancitë në sistemin penal italian).
Në vitin 2022 - viti që regjistroi numrin më të madh të vetëvrasjeve në burgje - në mesin e prillit ishin 20.
“Nëse ritmi do të vazhdonte në këtë mënyrë, në fund të vitit rrezikojmë të arrijmë nivele edhe më dramatike se ato të dy viteve të fundit”, vëren Antigona.
“Edhe pse duhet të presim deri në fund të vitit për të zbuluar shkallën e vitit 2024, duke marrë parasysh numrin e vetëvrasjeve që tashmë kanë ndodhur, vlera duket e destinuar të rritet në krahasim me atë të vitit 2023.
Duke zbërthyer sipas gjinisë shkallën e vetëvrasjeve të vitit 2023, duket se si shkalla për gratë (me 4 vetëvrasje për një popullsi mesatare të burgjeve prej 2493 personash) është dukshëm më e lartë se ajo për burrat, e cila është më i lartë tek personat me origjinë të huaj (28 vetëvrasje për një popullsi mesatare të burgosur prej 18185 banorësh), me një normë prej 15 rastesh për 10 mijë persona, krahasuar me 10.5 te italianët”, thekson Antigona.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
