ISH-KOMISIONERI I DREJTËSISË I BASHKIMIT EUROPIAN DIDIER REYNDERS NËN HETIM PENAL PËR PASTRIM PARASH | PRETENDON SE KA FITUAR SHUMË PARA NGA BILETAT E LLOTARIVE.

Bruksel, Belgjikë | Një hetim gjyqësor është nisur për pastrimin e mundshëm të parave nga z. Didier Reynders, ish-ministri belg dhe Komisioneri i BE-së për Drejtësinë.

Gazeta Le Soir raportoi se z. Reynders dyshohet për pastrim parash përmes fitimeve të lotarisë. Zyra e prokurorit publik të Brukselit ka konfirmuar hetimin.

Akuzat përqendrohen në pretendimet se z. Reynders bleu bileta lotarie me para në dorë gjatë disa viteve, duke përdorur fitimet për të depozituar fondet e pastruara në llogaritë e tij bankare.

Si pjesë e hetimit penal, policia federale kreu bastisje në prona të shumta, duke përfshirë rezidencat private të z. Reynders. Raportohet gjithashtu se z. Reynders është marrë në pyetje nga autoritetet.

Hetimi ka nisur prej muajsh, por autoritetet pritën deri në përfundimin e mandatit të z. Reynders si Komisioner i BE-së në 1 dhjetor 2024, për të vepruar, pasi pozicioni i tij i kishte dhënë më parë imunitet nga ndjekja penale.

Pesë vjet më parë, një ish oficer i sigurimit shtetëror belg akuzoi z. Reynders për korrupsion dhe pastrim parash në lidhje me projekte të ndryshme, duke përfshirë ndërtimin e ambasadës belge në Republikën Demokratike të Kongo dhe marrëveshjet e armëve. Akuzat u hodhën poshtë për mungesë provash.

Z. Reynders, është një anëtar i shquar i partisë liberale frankofone MR, ishte ministër i Financave i Belgjikës nga viti 1999 deri në 2011 dhe më vonë ministër i Punëve të Jashtme.

Ai ishte përgjegjës për mbikëqyrjen e Lotarisë Kombëtare gjatë mandatit të tij si ministër i Financave. Ai u bë Komisioner i BE-së për Drejtësi në vitin 2019.

Pas përfundimit të mandatit të tij të dielën, kolegu i partisë MR Hadja Lahbib e zëvendësoi atë si Komisionerin e ri të BE-së të Belgjikës.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit