IRANI U KËRKON GARANCI SHTETEVE TË BASHKUARA TË AMERIKËS PËR HEQJEN E SANKSIONEVE NDAJ TIJ.

Teheran, Iran | “Irani kërkon që ShBA-ës të japin garanci për heqjen e sanksioneve ndaj Teheranit”, tha zëdhënësi i Ministrisë së Jashtme, Esmail Baghaei.

Kreu i Organizatës së Energjisë Atomike të Iranit, Mohammad Eslami, tha se pasurimi i uraniumit është themeli i industrisë bërthamore të vendit dhe një vijë e kuqe e panegociueshme për të cilën nuk ka alternativë.

“Askush nuk mund ta mohojë të drejtën e Iranit për pasurim, pasi kjo qasje është e palogjikshme, pasi pasurimi është themeli i programit bërthamor të Iranit”, shtoi z. Eslami, duke iu referuar propozimit të fundit të ShBA-ës që Irani të pezullojë plotësisht pasurimin dhe në vend të kësaj t’i bashkohet një konsorciumi rajonal që do të krijohet për të pasuruar uraniumin.

Ministri i Jashtëm iranian dhe kryenegociatori bërthamor Abbas Aragçi (Araghchi) do të takohet sot në Kajro me drejtorin e IAEA-s, Rafael Grossi, së bashku me homologun e tij egjiptian Badr Abdelatti.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit