IRAN: NUK VESHI HIXHAB | POLICIA E MORALIT E DHUNOI GJERSA E BËRI QË T’I VDISTE TRURI.

Teheran, Iran | Znjsh. Armita Geravand, një vajzë adoleshente që u la pa ndjenja pasi dyshohet se u ndesh me oficerët e policisë, në një tren, pa veshur hixhab më 1 tetor 2023, thuhet se është e vdekur nga truri, sipas një raporti të medias gjysmë-shtetërore iraniane, të botuar të dielën.

Sistemi i vëzhgimi i stacionit të metrosë së Teheranit, tregon se më 1 tetor 2023, 16-vjeçarja Geravand, duke shkuar për në shkollë, hyri në vagonin e metrosë nga stacioni Shohada, rreth orës 7:08 të mëngjesit, me flokët e zbuluar.

Pak minuta më vonë, trupi i saj pa ndjenja u tërhoq zvarrë nga automjeti i policisë së moralit.

Ajo u dërgua në spital, dhe që atëherë, është në gjendje kome. Ajo që ndodhi, ndodhi brenda pak minutave, pasi ajo që ndodhi brenda në tren mbetet e panjohur.

Ndërsa zyrtarët iranianë ia atribuan incidentin një problemi të presionit të gjakut, që ata thonë se e shtyu znjsh. Geravand të rrëzohej, dhe të godiste kokën e saj.

Aktivistët megjithatë pretenduan se ajo ishte sulmuar nga oficerët e policisë në automjet, për shkelje të kërkesës së detyrueshme për mbajtje të hixhabit.

Veçanërisht, Irani njoftoi kthimin e policisë së moralit më 16 korrik të këtij viti, përgjegjësia e së cilës, është patrullimi në rrugë, duke zbatuar nenin 638 të Kodit Penal Islamik, i cili, detyron gratë të mbajnë hixhab.

Grupi iranian i të drejtave të njeriut kurdo-iranian Hengaw, i cili, zbuloi incidentin për publikun, raportoi të dielën se ekipi mjekësor i znjsh. Geravand kishte informuar prindërit e saj se truri i saj nuk po funksiononte më, dhe nuk kishte shpresë për shërim.

Dyshohet gjithashtu se familja, dhe miqtë e znjsh. Geravand u kërcënuan të ankoheshin për qeverinë, duke mos thënë të vërtetën në lidhje me atë që ndodhi në karrocë më 1 tetor 2023.

Ngjarja ndodhi vetëm dy javë, pas një vjetorit të vdekjes së znjsh. Mahsa Amini, e cila, vdiq në paraburgim, pasi u arrestua për mosrespektim të ligjit të detyrueshëm të mbajtjes së hixhabit të vendit.

Vdekja e znjsh. Mahsa ka ndezur protestën në shkallë të gjerë në Iran, me moton “Gruaja, Jeta, Liria”.

Ndërsa grupet aktiviste e shënojnë znjsh. Geravand si një viktimë tjetër të hixhabit të detyruar pas znjsh. Amini, zyrtarët iranianë janë gjithashtu të shqetësuar se incidenti i znjsh. Geravand mund të kthehet në një seri tjetër protestash të llojit Mahsa Amini.

Spitali i Forcave Ajrore Fajr, në të cilin, po qëndron znjsh. Geravandi, i është nënshtruar masave të rrepta të sigurisë.

Një reporter i lajmeve që tentoi të vizitonte spitalin, për të mbuluar historinë, u arrestua.

Aktivistët kanë kërkuar një hetim të pavarur të Misionit të Pavarur Ndërkombëtar të Kërkimit të Fakteve të OKB-së për Republikën Islamike të Iranit, i cili, u krijua në përputhje me rezolutën S35/1, të Këshillit të të Drejtave të Njeriut të OKB -së, pas vdekjes së znjsh. Mahsa Amini.

Mandatet e Misionit përfshijnë të hetojë në mënyrë të plotë, dhe të pavarur, shkeljet e pretenduara të të drejtave të njeriut, në Republikën Islamike të Iranit, në lidhje me protestat që filluan më 16 shtator 2022, veçanërisht në lidhje me gratë dhe fëmijët.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit