INDONEZI | 16 PLEQ E PLAKA U DOGJËN TË GJALLË NË AZIL NDËRSA FLININ; SHKAQET E ZJARRIT NË HETIM PENAL PARAPRAK.

Xhakartë, Indonezi | “Gjashtëmbëdhjetë (16) veta kanë vdekur dhe tre (3) janë plagosur në një zjarr që shpërtheu në një azil pleqsh në Manado, në ishullin indonezian të Sulauesi”.

Kështu raportoi punonjësi i shpëtimit Xhimi (Jimmy) Rotinsulu për agjencinë franceze të lajmeve “Afp”.

“Shumë prej trupave të viktimave u gjetën brenda dhomave të tyre, duke shtuar se shumë nga banorët e moshuar me shumë gjasa po pushonin në dhomat e tyre të dielën në mbrëmje kur shpërtheu zjarri.

Autoritetet arritën të evakuonin 12 persona, të gjithë të padëmtuar, dhe t'i transferonin ata në një spital vendor”, shtoi ai.

Pamjet e transmetuara nga transmetuesi vendor “Metro TV” treguan flakët që përfshinë azilin e pleqve, ndërsa banorët vendas ndihmuan në evakuimin e një burri të moshuar.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit