INDI | PASUNIKU ANANT AMBANI I KËRKOI KOLUMBISË 80 HIPOPOTAMËT E NARKOTRAFIKANTIT PABLO ESKOBAR.

Bogotë, Kolumbi | Pasaniku indian Anant Ambani është ofruar të mirëpresë 80 hipopotamë në qendrën e tij të ruajtjes së natyrës në Indi.

Këta hipopotamë janë pasardhës të ekzemplarëve të parë të sjellë në Kolumbi në vitet 1980 nga bosi i drogës Pablo Eskobar për kopshtin zoologjik të tij privat, “Hacienda Nápoles”.

Kafshët tani janë në rrezik eutanazie për të frenuar riprodhimin e tyre të pakontrolluar, gjë që e ka çuar popullatën në mbi 200 ekzemplarë.

Në një letër drejtuar qeverisë kolumbiane, ai deklaroi gatishmërinë e tij për t'i zhvendosur ata në qendrën Vantara në shtetin indian të Gujaratit, duke pretenduar se ka mjediset dhe ekspertizën e nevojshme.

“Ata nuk zgjodhën vendin ku lindën; ne kemi detyrë të gjejmë një zgjidhje humane”, tha ai.

Propozimi rihap debatin se si të menaxhohet një specie pushtuese që kërcënon ekosistemet lokale, duke rrezikuar jetën e egër vendase dhe komunitetet lumore.

Hipopotamët, kafshë territoriale dhe agresive, janë tashmë përgjegjëse për sulmet dhe ndryshimet e habitatit.

Në mesin e prillit, Ministria Kolumbiane e Mjedisit njoftoi vrasjen e afërsisht 80 ekzemplarëve, pas përpjekjeve të pasuksesshme për t'i zhvendosur ato jashtë vendit, të penguara nga kostot e larta dhe vështirësitë logjistike.

Një gjyqtar më pas pezulloi planin e qeverisë pas një apeli nga grupet e të drejtave të kafshëve.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit