INDEKSI GLOBAL I TERRORIZMIT 2025: MAROKU ISHTE UDHËHEQËS NË SIGURINË KUNDËR TERRORIZMIT NË VITIN 2024 | MAROKU DALLOHET ME REZULTATIN 0 DUKE U FUTUR NË KATEGORINË E VENDEVE PA NDIKIM TERRORIST.

Agjentët e Drejtorisë së Përgjithshme të Vëzhgimit të Territorit (DPVT)

Rabat, Mbretëria e Marokut | Maroku është klasifikuar ndër vendet me rrezik zero të terrorizmit në mbarë botën, duke marrë vendin e parë në rajonin e Afrikës së Veriut sipas Indeksit Global të Terrorizmit 2025, të botuar nga Instituti për Ekonominë dhe Paqen, një institut kërkimor australian.

Raporti, i cili, analizon ndikimin e sulmeve terroriste në 163 vende, merr parasysh faktorë të tillë si numri i sulmeve, viktimat, lëndimet dhe dëmet materiale.

Maroku dallohet me rezultatin zero, duke u futur kështu në kategorinë e vendeve pa ndikim terrorist.

Të dhënat konfirmojnë se në vitin 2024 nuk u regjistrua asnjë incident terrorist në tokën marokene, duke përforcuar reputacionin e vendit si një nga kombet më të sigurta në botë.

Në renditje, Maroku është në vendin e 100-të, ndërsa pozitat e para i zënë vendet më të prekura nga terrorizmi.

Indeksi Global i Terrorizmit 2025 nxjerr në pah një pamje të larmishme në të gjithë Afrikën e Veriut dhe Evropën, me ndryshime të konsiderueshme në nivelin e kërcënimit terrorist.

Në rajonin e Afrikës së Veriut, Egjipti ka rrezikun më të lartë, duke u renditur i 29-ti në nivel global.

Pason Algjeria në vendin e 42-të, Tunizia në vendin e 43-të dhe Libia në vendin e 53-të.

Në Evropë, terrorizmi ka një ndikim më të kufizuar se në zona të tjera të botës, megjithëse disa vende paraqesin nivele relativisht më të larta rreziku.

Franca renditet e 40-ta, e ndjekur nga Mbretëria e Bashkuar në vendin e 41-të dhe Shtetet e Bashkuara të Amerikës që renditen në vendin e 34-të.

Nga ana tjetër, Spanja dhe Italia janë më pak të ekspozuara ndaj kërcënimit terrorist, me pozicione më prapa në renditje.

Respektivisht në vendin e 63-të dhe të 74-të.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit