HONDURAS | PARLAMENTI NDRYSHOI KODIN PENAL; DERI NË 60 VJET BURG PËR VRASJEN E GRAVE; ÇDO 32 ORË VRITET NJË GRUA.

Tegusigalpa (Tegucigalpa), Honduras | Kongresi Kombëtar (Congreso Nacional de Honduras) reformatoi Kodin Penal, duke e rritur dënimin për vrasjen e grave në 60 vjet burg në një vend me shkallën më të lartë të këtij lloji krimi në Amerikën Latine, e barazvlefshme me vrasjen e një gruaje çdo 32 orë.

“Dënimi tani do të mbetet midis 25 dhe 30 vjetësh, por në rast rrethanash rënduese, mund të arrijë midis 30 dhe 40 vjetësh”.

Kështu u tha në një deklaratë nga Kongresi, i kontrolluar nga partia në pushtet e krahut të djathtë.

“Në rastet e dhunës me bazë gjinore ose rrëmbimit që rezulton në vdekjen e viktimës, dënimi mund të arrijë në 60 vjet burg”, u tha në deklaratë.

“Çdo kriminel që kryen dhunë ndaj një gruaje duhet ta dijë qartë se, nëse i merr jetën, do të përballet me forcën e plotë të ligjit”, tha Kryetari i Parlamentit Tomas (Tomás) Zambrano.

Hondurasi ka shkallën më të lartë të vrasjeve të grave midis 17 vendeve në rajon, me 4.3 raste për 100 mijë banorë, sipas një raporti të kohëve të fundit nga Komisioni Ekonomik për Amerikën Latine dhe Karaibet (ECLAC).

Kombi i Amerikës Qendrore regjistroi 262 vrasje të grave në vitin 2025, sipas Observatorit të Dhunës të Universitetit Kombëtar Autonom të Hondurasit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit