HAPET KUTIA E PANDORËS: PLAN IZRAELIT PËR PËRGJIGJE SERIOZE DHE DOMETHËNËSE NDAJ IRANIT | MINISTRI I JASHTËM I IZRAELIT KAC (KATZ) I BËRI THIRRJE AJATOLLAH KHAMENEIT QË TË LARGONTE TRUPAT NGA LIBANI.

Jeruzalem, Izrael | Ushtria izraelite është në mes të planifikimit të një përgjigjeje ndaj sulmit me raketa balistike të Iranit në fillim të kësaj jave dhe paralajmëron se do të jetë e rëndë dhe domethënëse.

Ushtria Izrelite (IDF) tha se sulmi i Iranit me rreth 200 raketa balistike në vend do të kishte pasoja.

Ministri i Jashtëm i Izraelit, Israel Kac (Katz), i bëri thirrje udhëheqësit suprem Ajatollah Khameneit përmes rrjetit social virtual Iks (X) që t'i largonte luftëtarët e tij nga Libani dhe publikoi foto të ish-udhëheqësve të Hezbollahut.

Përkundrazi, lëvizja e armatosur e Hezbollahut njoftoi në orët e para të mëngjesit se anëtarët e saj ishin përfshirë në beteja me trupat izraelite në kufirin e dy vendeve, ndërsa në të njëjtën kohë një sërë shpërthimesh tronditën periferitë jugore të Bejrutit.

Udhëheqësi suprem i Iranit, Ali Khamenei paralajmëroi të premten se aleatët e Republikës Islamike, veçanërisht Hezbollahu i Libanit dhe Hamasi palestinez, do të vazhdojnë luftën kundër Izraelit, duke rritur shqetësimet se një zjarr i afërt në mbarë Lindjen e Mesme ishte i afërt, dy ditë përpara përvjetorit të inkursionit të paprecedentë të Hamasit. në territorin jugor të Izraelit.

“Ushtarët e armikut izraelit po përpiqen përsëri të përparojnë në periferi të komunës së fshatit Adaisah dhe armiqësitë vazhdojnë”, tha Hezbollahu në një deklaratë të lëshuar herët këtë mëngjes, pasi më parë pohoi se kishte detyruar elementë të ushtrisë izraelite të kryenin tërheqje në këtë zonë.

Gjithashtu, lëvizja libaneze siguroi se ka vënë në shënjestër trupat izraelite në zonën e Jarunit (Yaroun), në pjesën jugore të vendit, me një breshëri raketash, si dhe në dy lokacione në anën tjetër të kufirit.

Në të njëjtën kohë, një seri shpërthimesh u dëgjuan në një periferi jugore të Bejrutit, një bastion i Hezbollahut, raportuan korrespondentët e entit mediatik AFP.

Më herët, ushtria izraelite urdhëroi evakuimin e menjëhershëm të civilëve nga zona të caktuara. Pamjet tregojnë tymin që ngrihet nga një zonë afër aeroportit.

Natën e së enjtes në të premten, ushtria izraelite lëshoi ​​granatime jashtëzakonisht të rënda në periferitë jugore të Bejrutit, duke shkatërruar ndërtesa të tëra.

Sipas faqes së internetit të lajmeve Ynet - versioni online i gazetës Gedot Aharonot - sulmet kishin në shënjestër selinë e shërbimit inteligjent të Hezbollahut.

Sipas agjencisë së menaxhimit të fatkeqësive të Libanit, më shumë se 2000 njerëz janë vrarë në vend që nga tetori 2023, më shumë se 1000 që nga 23 shtatori 2024, kur sulmet ajrore të Izraelit u intensifikuan. Qeveria libaneze vlerëson se të paktën 1.2 milionë civilë janë zhvendosur.

Paralajmërimi i presidentit Baidn (Biden): Presidenti amerikan Xhëu Baidn (Joe Biden) vlerësoi dje se Izraeli duhet të shqyrtojë opsione të tjera dhe të mos godasë infrastrukturën e naftës të Iranit, diçka që ai e kishte përmendur pardje.

Ai tha se po përpiqej të mobilizonte pjesën tjetër të botës për të lehtësuar tensionet në Lindjen e Mesme.

Ish-presidenti republikan dhe rikandidati në zgjedhjet presidenciale të 5 nëntorit 2024, Danlld Tramp (Donald Trump), nga ana e tij, tha se Izraeli duhej të godiste objektet bërthamore iraniane.

Ushtria amerikane njoftoi dje se kishte goditur 15 objektiva - objekte, sisteme armatimi, etj, - të Huthive në Jemen, lëvizje rebele kjo e cila është afër Iranit.

Ajo ka kryer sulme kundër Izraelit dhe kundër anijeve që i konsideron të lidhura me të, ose me aleatët e tij, mbi të gjitha me SHBA-ës dhe Britaninë e Madhe.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit