GROENLANDË | KRYEMINISTRI JENS FREDERIK NIELSEN: SOVRANITETI DHE INTEGRITETI YNË JANË VIJË E KUQE; ASKUSH NUK MUND TË BËJË MARRËVESHJE PËRVEÇ NESH DHE MBRETËRISË SË DANIMARKËS.

Nuk, Groenlandë | “Sovraniteti dhe integriteti territorial i Groenlandës janë një vijë e kuqe”.

Kështu tha Kryeministri i Groenlandës, Jens Frederik Nielsen, në një konferencë për shtyp në Nuuk.

“Askush përveç Groenlandës dhe Danimarkës nuk është i autorizuar të lidhë marrëveshje në lidhje me ishullin”, tha Kryeministri Nielsen para gazetarëve, duke shtuar se kur përballet me Shtetet e Bashkuara të Amerikës, Nuuk-u, zgjedh Danimarkën dhe Evropën.

“Groenlanda dëshiron të vazhdojë një dialog paqësor dhe mbron të drejtën e saj për vetëvendosje”, shtoi ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit