GREQI | NJË ISH-OFICER I POLICISË PARLAMENTARE U DËNUA ME KATËR BURGIME TË PËRJETSHME + 80 VJET BURG PËR ABUZIM SEKSUAL ME FËMIJË.

Athinë, Greqi | Një ish-oficer i policisë parlamentare është dënuar me burgim të përjetshëm nga një gjykatë në Athinë, pasi u shpall fajtor për krime të rënda seksuale kundër fëmijëve të tij.

Gjykata e Përzier me Juri e Shkallës së Parë e Athinës i dha të pandehurit katër dënime me burgim të përjetshëm, së bashku me 80 vjet e tre muaj burgim shtesë, nga të cilat, duhet të vuajë 25 vjet.

Ai u shpall fajtor për përdhunim të përsëritur, abuzim serial me fëmijë, incest dhe prodhimin dhe posedimin e materialeve të abuzimit seksual me fëmijë.

Ai u përball gjithashtu me dënime për dëmtim të qëllimshëm trupor ndaj një të mituri në një kontekst familjar, si dhe vepra të përsëritura penale që lidhen me armë zjarri.

Rasti doli në dritë në nëntor 2024, kur akuzat për dhunë në familje dhe abuzim seksual që përfshinin katër fëmijët e çiftit u ngritën nga gruaja e tij e ndarë, e cila, është gjithashtu oficere policie.

Në një vendim të veçantë, gjykata vendosi me shumicë votash 7-2 se gruaja 35-vjeçare e ndarë nuk ishte fajtore, pavarësisht se prokuroria kishte kërkuar dënimin e saj.

Gjyqtarët zbuluan se ajo nuk kishte qenë në gjendje të vepronte për shkak të kërcënimeve të paraqitura nga bashkëshorti i saj për jetën e saj dhe jetën e fëmijëve të tyre.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit