GREQI | BUJQIT BLLOKUAN AUTOSTRADËN “ATHINË-LAMIA”; I KËRKOJNË QEVERISË 600 MILIONË € TË AKORDUARA NGA BASHKIMI EVROPIAN PËR BUJQËSINË.

Athinë, Greqi | Bujqit bllokuan aksin rrugor kombëtar (autostradë) “Athinë-Lamia” pranë Thivës, në veriperëndim të Athinës, të premten pasdite, duke përshkallëzuar më tej protestat mbarëkombëtare për shkak të vonesave të pagesave të Bashkimit Evropian.

Brenda pak minutash, dhjetëra traktorë që ishin mbledhur te Shën Johani (Agios Ioannis) aty pranë dolën në autostradë, duke ndaluar trafikun në të dyja drejtimet.

Policia e trafikut ka vendosur rrugë devijuese, duke i ridrejtuar automjetet drejt Lamias nëpërmjet Thivës dhe Livadhisë.

Më herët gjatë ditës, bujqit sollën gjithashtu traktorët e tyre në pikën kufitare Promakonas (Promachonas) me Bullgarinë.

Bujqit protestues thonë se po përballen me një mungesë prej rreth 600 milionë € në subvencionet dhe pagesat e tjera të Bashkimit Evropian, të cilat, mbeten të ngrira për shkak të një hetimi penal paraprak mbi një skandal korrupsioni që përfshin shpërndarjen e ndihmës bujqësore.

Bujqit nga Orkomeni në rajonin e Viotias, në veriperëndim të Athinës, kanë njoftuar përshkallëzim të mëtejshëm të situatës.

Sipas deklaratës së tyre, Shoqata Bujqësore e Livadhisë - së bashku me bujqit nga Aliartosi, Vagia, Thespia dhe Kastro-ja - do të zhvendosin të gjithë traktorët në Kastro të Viotias të dielën për një bllokadë të re të autostradës kombëtare.

Në Ftiotiddë, Thesali, Greqia qendrore, aksionet e së premtes u shtynë për shkak të motit të keq.

Demonstratat pritet të rifillojnë të shtunën, me karvane të planifikuara nga Ftiotidha perëndimore dhe lindore dhe nga Lamia, ku traktorët janë mbledhur tashmë në pikat e para-montimit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit