top of page
E BARDHË SHIRIT.png

GREQI | KRYETARI I BASHKISË SË ATHINËS HARI DUKA (HARIS DOUKAS) NDEZI PEMËN E KRISHTLINDJEVE NË SHESHIN “KUSHTETUTA” (SYNTAGMA) DUKE HAPUR SEZONIN E FESTAVE.

  • Writer: Agjencia Telegrafike Vox
    Agjencia Telegrafike Vox
  • 8 hours ago
  • 2 min read
ree

Athinë, Greqi | Athina mirëpriti zyrtarisht sezonin e festave sonte në mbrëmje, ndërsa kryebashkiaku Haris Duka (Doukas) ndriçoi me sukses pemën qendrore të Krishtlindjeve 19 metra të lartë në sheshin “Kushtetuta” (Syntagma), duke e transformuar zemrën e Athinës në një spektakël dimëror verbues.


Në orën 19:30, kryebashkiaku Duka (Doukas) dha sinjalin, duke ndriçuar menjëherë bredhin gjigant (të marrë nga kultivimi i kontrolluar i pyjeve në Krisovici Arkadia (Chryssovitsi, Arcadia) së bashku me një gjatësi mahnitëse prej 21 km (13 milje) dritash LED në të gjithë sheshin dhe dekorimet përreth.


Pavarësisht shiut, turma njerëzish me çadra u mblodhën në Sheshin “Kushtetuta” (Syntagma) për të parë ndriçimin e pemës së Krishtlindjeve.


Eventi filloi në orën 17:00 me melodi klasike të Krishtlindjeve të interpretuara nga Big Band i Qytetit të Athinës.


Në orën 18:00, Orkestra Filarmonike marshoi nga shatërvani i Rrugës Ermou drejt sheshit, duke i ftuar qytetarët të bashkoheshin me tubimin kryesor.


Nga ora 18:30 deri në 20:30, aktori dhe këngëtari Panos Muzuraqis (Mouzourakis) kryesoi festimet, duke argëtuar sheshin e mbushur plot me një shfaqje të veçantë të drejtpërdrejtë të Krishtlindjeve.


Ceremonia aktivizoi gjithashtu ndriçimin festiv në të gjithë Athinën qendrore.


Rrugët kryesore si Panepistimiou, Stadiou, Rruga Ermou dhe Bulevardi Vassilissis Sofias u ndezën njëkohësisht.


Vëmendje e veçantë iu kushtua shtegut të Rrugës Ermou, i cili, ka dekorime luksoze, ndërsa Sheshi Mitropoleos tani pret një skenë të bukur të Lindjes së Krishtit.


Të gjitha dekorimet përdorin teknologjinë LED me energji të ulët për të siguruar qëndrueshmëri.


Qyteti njoftoi gjithashtu se duke filluar nga 15 dhjetori, shatërvani i Sheshit Omonia do të shfaqë një shfaqje spektakolare uji të sinkronizuar me muzikë.


Pas përfundimit të sezonit të festave, bredhi 19 metra i gjatë nuk do të hidhet; në vend të kësaj, është planifikuar t'i dhurohet Universitetit të Arteve të Bukura për t'u përdorur nga studentët në vepra arti me bazë druri.


Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit

 
 
 

Comments

Rated 0 out of 5 stars.
No ratings yet

Add a rating
bottom of page