GREQI | AUDITIMET ZBULUAN SE RREGULLORET E MADHËSISË SË KLASAVE NËPËR SHKOLLA JANË SHKELUR.

Athinë, Greqi | Auditimet nga Ministria e Arsimit kanë zbuluar mosrespektim të gjerë të rregulloreve për madhësinë e klasave në të gjithë Greqinë, duke krijuar klasa artificialisht të vogla dhe mungesa fiktive të personelit, njoftuan zyrtarët.

Kontrollet gjetën shumë raste ku klasat ishin të ndara nën minimumin ligjor (zakonisht 25-27 nxënës).

Shembujt përfshinin një klasë fillore në Athinë me 24 nxënës të ndarë në dy pjesë, dhe 19 nxënës në një klasë fillore të ndarë në dy seksione në Greqinë veriperëndimore.

Ministria identifikoi gjithashtu 7160 edukatorë të cilëve nuk u ishin caktuar orët e plota javore të mësimdhënies, duke rezultuar në 143195 orë mësimdhënie të pacaktuara.

Kjo mosrespektim krijoi mungesë fiktive edukatorësh që shpesh mbulohej nga punësime të përkohshme.

Ministrja Sofia Zaqaraqi (Zacharaki) tha se do të krijohet një platformë e re dixhitale, EduPlan, për të regjistruar dhe kontrolluar vendet e lira të punës dhe për të shpërndarë saktë stafin arsimor bazuar në nevojat e provuara.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit