GJYSMA E VLORËS PA UJË NË MBRËMJEN E VITIT TË RI | UJËSJELLËSI PRETENDON SE AGJENTURA E KRIMIT ORDINER KA VJEDHUR NJË SARAÇINESKË ME FUNKSION KYÇ.

Njoftim | Ujësjellës Kanalizime Rajoni Vlorë njofton se gjatë mesnatës së kaluar është grabitur saracineska e stacionit të ujësjellësit në lagjen “24 Maji”, zona pranë Stacionit të Trenit të Mallrave.

Si pasojë, ka pasur ndërprerje të furnizimit me ujë në zonat që furnizohen nga ky stacion:

Lagja 24 Maji (zona e Stacionit të Trenit të Mallrave).

Petrolifera.

TECI.

Porti i Peshkimit.

Zvërnec.

Grupet tona kanë ndërhyrë menjëherë pas konstatimit të rastit për zëvendësimin e saracineskës dhe rikthimin e furnizimit normal me ujë. Për këtë ngjarje është bërë denoncim pranë Policisë së Qarkut Vlorë.

U bëjmë thirrje të gjithë qytetarëve të mbrojnë pronën publike dhe të mos e dëmtojnë atë, pasi këto veprime dëmtojnë gjithë komunitetin.

Faleminderit për mirëkuptimin, thuhet në njoftimin zyrtar.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit