FRANCË | PRESIDENTI EMANUEL MAKRON: UKRAINA SYNON TË BLEJË 16 AVIONË LUFTARAKË RAFALE DHE BATERI MBROJTËSE SAMP/T.

Paris, Francë | “Franca dhe Ukraina kanë hartuar një udhërrëfyes për blerjen nga Kievi të 16 avionëve luftarakë Rafale dhe armëve përkatëse - i pari prej të cilëve pritet të fluturojë mbi Ukrainë që në vitet 2028-2029”.

Kështu tha presidenti Emanuel Makron.

“Për të forcuar mbrojtjen ajrore të Ukrainës, Kievi do të sigurojë gjithashtu një grup të parë të baterive SAMP/T të gjeneratës së ardhshme, për të plotësuar sistemet - dhe raketat përkatëse - të planifikuara për dorëzim në javët e ardhshme”, - tha presidenti Makron në fund të samitit të Koalicionit të të Vullnetshëmve në Paris.

“Sot, kemi vendosur të zhvillojmë ushtrime në muajt e ardhshëm, …

Ato do të mbahen në vendet fqinje të Ukrainës për të vërtetuar planet tona të vendosjes dhe për të demonstruar gatishmërinë, vendosmërinë dhe besueshmërinë tonë”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit