FRANCË | MINISTRIA E PUNËVE TË JASHTME: NUK KA PLAN FRANCEZ PËR PAQE NË LIBAN.

Paris, Francë | Diplomacia franceze deklaroi se nuk ka asnjë plan francez për t’i dhënë fund luftës në Liban midis Izraelit dhe lëvizjes pro-iraniane Hezbollah.

Franca mbështeti hapjen e autoriteteve libaneze për bisedime të drejtpërdrejta me Izraelin dhe ofroi lehtësimin e tyre.

“Do të jetë detyrë e palëve, dhe vetëm e palëve, të përcaktojnë axhendën për këto bisedime”, tha Ministria e Jashtme franceze në një deklaratë dërguar agjencisë franceze të lajmeve “Afp”.

Enti mediatik amerikan “Axios” raportoi se Parisi kishte hartuar një propozim paqeje që përfshinte njohjen e Shtetit të Izraelit nga Libani.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit