FRANCA DO TË INVESTOJË 130 MILIONË € PËR SHKULJEN E HARDHIVE NË VRESHTA.

Paris, Francë | Franca thotë se është e vendosur të shpëtojë industrinë e verës nga një krizë, por a mund të ketë ndonjë efekt negativ plani i saj?

Franca i është drejtuar Bashkimit Evropian për ndihmë, pasi njoftoi fonde shtesë për të ndihmuar në shpëtimin e industrisë së saj të verës, e cila, është në përkeqësim.

Më herët këtë javë, Ministria Franceze e Bujqësisë konfirmoi se ka ndarë 130 milionë euro për të financuar një plan të ri dhe të përhershëm për shkuljen e hardhive, me qëllim ribalancimin e furnizimit dhe rivendosjen e qëndrueshmërisë së fermave në vështirësi në rajonet më të cenueshme.

Ky proces përfshin prerjen dhe heqjen e hardhive dhe rrënjëve të tyre nga toka, zakonisht duke përdorur pajisje të specializuara si një plug i thellë, dhe mund të kushtojë rreth 1000 euro për hektar.

Ministrja Annie Genevard i ka kërkuar gjithashtu Komisionerit Evropian për Bujqësinë dhe Ushqimin, Krisof (Chrisophe) Hansen, të financojë distilimin e krizës së tepricave të pa-tregtueshme.

Këtu furnizimi i tepërt shndërrohet në alkool të përdorur për qëllime industriale në vend të konsumit.

Ministrja Genevard thotë se vendi, i cili, është një nga prodhuesit më të mëdhenj të verës në botë dhe shtëpia e 11 përqind të vreshtave globale, është përballur vazhdimisht me një krizë për disa vite.

Në një deklaratë të lëshuar më 24 nëntor, ajo ia hodhi fajin një sërë problemesh, duke përfshirë tensionet e mëdha gjeopolitike.

Kjo vjen pasi Presidenti Danlld Tramp (Donald Trump) kërcënoi të vendoste një tarifë prej 200% për alkoolin evropian në fillim të këtij viti, një veprim i cili u anulua shpejt.

Megjithatë, një tarifë prej 15% për eksportet në ShBA-ës, një treg vendimtar për industrinë franceze të verës, u njoftua disa muaj më vonë.

Ekspertët kanë frikë se tarifat, të kombinuara me kurset e këmbimit valutor, mund të ulin të ardhurat vjetore nga shitja e verës dhe pijeve alkoolike franceze me rreth 1 miliard euro.

Një rënie e vazhdueshme e konsumit të verës, veçanërisht verërave të kuqe, ka kontribuar gjithashtu në krizën e vreshtave në Francë.

Vitin e kaluar, konsumi global i verës ra në nivelin më të ulët në më shumë se 60 vjet, ndërsa anketa të shumta kanë treguar se Gjenerata Z (ata të lindur midis viteve 1997 dhe 2021) po i kthejnë shpinën alkoolit.

Për më tepër, Ministrja Genevard argumentoi se vuajtjet e sektorit janë përkeqësuar nga ndryshimet klimatike, të cilat, kanë ndikuar vazhdimisht në të korrat për disa vite.

“Kjo përpjekje e re dhe e rëndësishme financiare, pavarësisht një konteksti veçanërisht të vështirë buxhetor dhe në varësi të miratimit të projektligjit të financimit, tregon vendosmërinë e qeverisë për të shpëtuar industrinë tonë të verës në planin afatgjatë dhe për ta lejuar atë të rimëkëmbet”, tha ajo.

“Ky nuk është një tjetër plan emergjence për të korrigjuar një çekuilibër strukturor, është një investim në sektorin tonë të verës dhe për fermerët në këto zona prodhimi”, shtoi ajo më tej.

Çfarë është çrrënjosja?

Ideja e shkuljes së vreshtave nuk është asgjë e re. Besohet se ka origjinën në shekullin e parë kur perandori romak Domikian urdhëroi çrrënjosjen e 50 përqind të rrushit në Gali (një rajon i lashtë i Evropës Perëndimore që korrespondon përafërsisht me Francën e sotme) nga frika se mos përbënte konkurrencë për verërat romake.

Që atëherë, subvencionet për tërheqjen e hardhisë janë futur disa herë dhe tani konsiderohet një masë më ekonomike krahasuar me distilimin ose ruajtjen e tepricave.

“Problemet e sotme janë një mbiprodhim i verës dhe një rënie e madhe e konsumit, veçanërisht me verërat e kuqe, kryesisht në sektorin e nivelit fillestar”, tha z. Pier Mec (Pierre Metz), i cili, është partner në vreshtin Domaine Alain Chabanon në Terrasse du Larzac (Franca Jugore).

“Konsumatorët më të rinj kanë tendencë të konsumojnë më pak verë, gjë që i shtyn shitësit të ulin çmimet, gjë që nga ana tjetër ul çmimet në nivelin e prodhuesve”, tha ai.

Ekzistojnë dy mënyra të ndryshme për të hequr hardhitë; përgjithmonë ose përkohësisht.

Kjo e fundit ka përfitimin e lejimit të pronarëve të vreshtave të mbillen përsëri me varietete rezistente ndaj nxehtësisë, duke i lejuar ata të përshtaten me temperaturat në rritje, por kjo prapëseprapë zvogëlon prodhimin për disa vite.

Shkatërrimi i përhershëm i vreshtave vjen me një sërë rreziqesh, duke përfshirë shqetësimin për jetën e egër dhe pengimin e parandalimit të zjarreve në pyje.

Evropa përballet me më shumë zjarre në pyje se kurrë më parë, pasi thatësirat e nxitura nga ndryshimet klimatike dhe temperaturat në rritje i bëjnë shumë rajone në të gjithë kontinentin më të prekshme.

Sipas Komisionit Evropian, zona në rrezik nga zjarret në Francë vetëm pritet të rritet me 17 për qind deri në vitin 2040.

Megjithatë, vreshtat e mirëmbajtura siç duhet mund të jenë pjesë e zgjidhjes, pasi hulumtimet tregojnë se parcelat me hardhi mund të veprojnë si shtrirje zjarri duke krijuar boshllëqe në lëndë djegëse dhe duke ngadalësuar përhapjen e flakëve.

“Studimet në zonat e prirura ndaj zjarreve kanë treguar se zjarret shpesh ndalen në skajet e vreshtave të mirëmbajtura, me kusht që hapësira midis rreshtave të mos jetë e mbingarkuar me bimësi të ndezshme”, shton departamenti i BE-së për bujqësinë dhe zhvillimin.

Si po ndikon ndryshimi i klimës në industrinë e verës?

Këtë verë, shumë pjesë të Francës u vunë në gatishmëri të lartë për nxehtësi, pasi temperaturat u rritën në 43℃ në pjesë të Charente dhe Aude.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit