FEDERATA RUSE | GJENERAL MAJORI NIKOLAI VARPAKHOVIÇ (VARPAKHOVICH) U TENTUA TË VRITEJ ME ARMË ZJARRI.

Moskë, Federata Ruse | “Gjenerali major rus Nikolai Varpakhoviç (Varpakhovich) u qëllua me armë zjarri”.

Kështu u raportua nga entet mediatike vendore.

Ukraina e akuzon atë për urdhërimin e sulmit vdekjeprurës me raketa në Spitalin e Fëmijëve Okhmatdit, në Kiev.

Sulmi ndodhi të enjten në qytetin Engels në rajonin e Saratovit.

Një sulmues i panjohur thuhet se qëlloi dy herë nga një motoçikletë por ai mbijetoi.

Hetuesit rusë pohuan sulmin ndaj një anëtari të shërbimit, por nuk e bënë të ditur emrin e tij; ka nisur një hetim për vrasje në tentativë.

Ai është komandanti i Divizionit të 22-të të Bombarduesve të Rëndë të Forcave Ajrore Ruse.

Njësia është pjesë e degës strategjike të aviacionit me rreze të gjatë veprimi dhe është e stacionuar në Bazën Ajrore Engels.

Nga atje, Rusia operon avionë, përfshirë bombarduesit Tu-95MS, të cilët lëshojnë raketa lundrimi kundër objektivave në Ukrainë.

Vetëm disa ditë para sulmit, shërbimi ukrainas i sigurisë kishte ngritur padi në mungesë ndaj gjeneralit për krime lufte.

Sipas autoriteteve ukrainase, një raketë Kh-101 e lëshuar nga një bombardues rus Tu-95MS goditi spitalin.

Sulmi vrau tre persona, përfshirë një fëmijë dhe një mjek.

Dhjetëra të tjerë u plagosën. Sulmi shkatërroi pjesë të spitalit, duke përfshirë sallat e operacionit, njësitë e kujdesit intensiv dhe zonat e trajtimit të kancerit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit