EUROSTAT: ITALIA ËSHTË VENDI MË I VJETËR DHE ME PLAKJEN MË TË SHPEJTË NË MESIN E SHTETEVE ANËTARE | MOSHA MESATARE ITALIANE ËSHTË 48.7 VJEÇ; MESATARJA EVROPIANE 44.7 VJEÇ.

Bruksel, Belgjikë | Italia është shteti më i vjetër evropian ndër vendet anëtare të Bashkimit Europian dhe ai që po plaket më shpejt.

Kështu ka bërë të ditur zyra e statistikave të Bashkimit Evropian, Eurostat.

Mosha mesatare në Itali - që nga 1 janari 2024 - është 48.7 vjeç, krahasuar me një mesatare evropiane prej 44.7 vitesh.

Mesatarja italiane tregon një rritje prej katër vitesh krahasuar me vitin 2014 (+2.2 vjet në Bashkimin Europian).

Plakja e popullsisë ishte gjithashtu e theksuar në Greqi, Portugali dhe Sllovaki, me moshën mesatare në rritje me katër vjet.

Mosha mesatare në Qipro, Spanjë dhe Poloni është rritur me 3.8 vjet.

Eurostat vëren gjithashtu se popullsia vendase është dy vjet më e vjetër se ajo e huaja.

“Njerëzit e lindur jashtë vendit janë të mbipërfaqësuar mes moshës 20 dhe 54 vjeç, ndërsa ata janë të nënpërfaqësuar si në grupmoshat më të reja ashtu edhe në ato më të vjetra”, thuhet në raport.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit