EMIRATET E BASHKUARA ARABE | KRYEMINISTRI I REPUBLIKËS SË SHQIPËRISË EDI RAMA U PRIT NË TAKIM NGA PRESIDENTI I EBA-s SHEIKH MOHAMMED BIN ZAYED.

Pamje nga takimi zyrtar mes palëve

Abu Dhabi, Emiratet e Bashkuara Arabe | Kryeministri i Republikës së Shqipërisë Edi Rama, gjatë vizitës në Abu Dabi, u prit në takim nga Presidenti Sheikh Mohammed Bin Zayed.

“Abu Dabi- Takimi sot me mikun e shtrenjtë, Presidentin Sheikh Mohammed Bin Zayed, ishte vëllazëror dhe me bindjen e fortë se për paqedashësit e ndërtuesit vullnetmirë të së ardhmes, më e mira është e gjitha përpara”, tha Kryeministri Rama në rrjetin social virtual “Facebook”.

“Gjatë takimit, të dy palët diskutuan mënyrat për të zhvilluar më tej marrëdhëniet EBA-Shqipëri në sektorët prioritarë, veçanërisht ekonomi, tregti, energjinë e rinovueshme dhe teknologji, në interes të të dy vendeve.

Sheikh Mohamed bin Zayed Al Nahyan dhe Rama riafirmuan angazhimin e tyre për forcimin e mëtejshëm të lidhjeve dypalëshe, të cilat vazhdojnë të shohin përparim të qëndrueshëm dhe për zgjerimin e partneriteteve të zhvillimit për të nxitur rritje të qëndrueshme ekonomike që përmbush aspiratat e të dy popujve për përparim dhe prosperitet”.

Kështu raportoi agjencia vendore e lajmeve “WAM”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit