EGJIPT: U MBYT NJË NËNDETËSE TURISTIKE NË DETIN E KUQ; TË PAKTËN 6 TË VDEKUR + 9 TË PLAGOSUR || KONSULLATA E PËRGJITHSHME RUSE: NË BORD ISHIN 45 TURISTË RUSË.

Kajro, Egjipt | “Të paktën gjashtë persona u vranë dhe nëntë u plagosën pasi një nëndetëse turistike u mbyt në brigjet e qytetit egjiptian të Hurghadës (Hurghada) në Detin e Kuq, në orët e para të ditës së sotme”, thanë burimet vendore të cituara nga transmetuesi televiziv “BBC”.

“Njëzet e dy persona u shpëtuan, ndërsa të plagosurit, mes të cilëve katër në gjendje kritike”, u transportuan në spitalet aty pranë.

Sipas transmetuesit televiziv “BBC”, në bordin e nëndetëses në momentin e aksidentit ndodheshin rreth 40 turistë.

Konsullata e Përgjithshme Ruse në Hurghada pretendon se në bordin e batiskafit ishin 45 turistë, përfshirë të mitur, dhe se ata ishin të gjithë shtetas rusë.

Lajmi është bërë i ditur nga agjencia zyrtare ruse e lajmeve “Ria Novosti”, duke cituar një shënim nga konsullata ruse.

“Të paktën katër turistë rusë kanë vdekur pas një aksidenti që përfshin një batiskaf rekreativ në brigjet e Hurghadës, Egjipt”, njoftoi agjencia shtetërore ruse e lajmeve “Tass”, duke cituar konsullin e Përgjithshëm të Federatës Ruse në Hurghada, Viktor Voropaev.

“Shumica e turistëve u shpëtuan, tani nuk ka rrezik për jetën e tyre. Por katër persona, për fat të keq, vdiqën”, tha diplomati.

“Nëndetësja Sinbad ishte në funksion prej disa vitesh, duke ofruar ekskursione turistike në zonë”, raporton transmetuesi televiziv “BBC”.

Sipas kompanisë që zotëron anijen, ajo është një nga vetëm 14 nëndetëset e vërteta rekreative në botë.

Kompania, Sindbad Submarines i lejoi turistët të zhyten deri në 25 metra thellë për të eksploruar 500 metra shkëmbinj koralor dhe jetën e tij detare.

Faqja e internetit e kompanisë thotë se anija mund të transportonte 44 pasagjerë, përveç dy pilotëve, dhe i ofroi secilit pasagjer një vrimë të madhe panoramike për vëzhgim nënujor.

Mbytja e nëndetëses nuk është incidenti i parë që përfshin anije turistike në brigjet e Hurghadës.

Nëntorin e kaluar, anija turistike “Sea Story” u mbyt, duke lënë 11 të vdekur ose të zhdukur, ndërsa 35 persona mbijetuan.

Autoritetet egjiptiane fajësuan për fatkeqësinë një valë të madhe deri në 4 metra të lartë, por disa të mbijetuar të intervistuar nga transmetuesi televiziv “BBC” raportuan probleme sigurie në bord.

“Muajin e kaluar, hetuesit britanikë zbuluan se kishte pasur 16 aksidente me anije turistike në zonë gjatë pesë viteve të fundit, disa prej tyre që rezultuan me vdekje”, raporton transmetuesi televiziv “BBC”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit