DIKTATORI I KORESË SË VERIUT KIM JONG UN U TAKUA ME MINISTRIN RUS TË MBROJTJES ANDREI BELOUSOV.

Foto nga Agjencia Qendrore Koreane e Lajmeve.

Phenian, Kore e Veriut | Diktatori i Koresë së Veriut Kim Jong Un u takua të premten në Phenian të Koresë së Veriut me ministrin rus të Mbrojtjes Andrei Belousov.

Gazetarëve të pavarur nuk iu dha akses për të mbuluar ngjarjen e paraqitur në imazh.

Ai i tha ministrit rus të Mbrojtjes Andrei Belousov se autorizimi i SHBA-së i dhënë Ukrainës për të lëshuar raketa në Rusi përfaqësonte një ndërhyrje të drejtpërdrejtë të SHBA-së në luftë gjatë një takimi të premten në Phenian, Korenë e Veriut.

Ai tha se SHBA dhe Perëndimi i detyruan autoritetet e Kievit të sulmojnë territorin e Rusisë me armët e tyre sulmuese me rreze të gjatë, sipas një raporti të rrjetit shtetëror të lajmeve të Koresë së Veriut KCNA.

Rusia, tha ai, duhet të ndërmarrë veprime në mënyrë që forcat armiqësore të paguajnë çmimin.

Diktatori Kim u citua nga KCNA të shtunën të ketë përshkruar sulmet me raketa të Ukrainës si “veprime të papërgjegjshme që do të zgjasin konfliktin dhe do të kërcënojnë të gjithë njerëzimin dhe i përshkroi kundërsulmet e Rusisë si një ushtrim të drejtë vetëmbrojtjeje”.

Thuhet se e bëri të qartë mbështetjen e tij për Rusinë në këtë takim.

“Qeveria, ushtria dhe populli i DPRK-së do të mbështesin pa ndryshim politikën e Federatës Ruse për të mbrojtur sovranitetin dhe integritetin e saj territorial nga lëvizjet e imperialistëve për hegjemoninë”, citoi KCNA të thoshte diktatori Kim.

Në muajin qershor, diktatori Kim nënshkroi një marrëveshje të ndërsjellë të mbrojtjes me Rusinë dhe u zotua të zgjerojë lidhjet me Rusinë në të gjitha fushat.

Në takimin e së premtes, ministri rus i mbrojtjes thuhet se ftoi një njësi ushtarake të KPRK-së për t'iu bashkuar paradës vjetore të Rusisë në Sheshin e Kuq të Moskës më 9 maj, e cila, do të shënojë 80 vjetorin e fitores së Bashkimit Sovjetik ndaj Gjermanisë naziste në Luftën e Dytë Botërore.

Për Korenë e Veriut dhe Korenë e Jugut, viti 2025 shënon 80 vjetorin e çlirimit nga kolonizimi japonez. Megjithatë, ajo shënon edhe fillimin e ndarjes së gadishullit Korean.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit