DIBËR | DANIEL GJURA U ARRESTUA.

Dibër, Shqipëri | Në funksion të luftës institucionale ndaj Agjenturës së Krimit Ordiner të infiltruar në institucionet e Republikës së Shqipërisë, strukturat vendore të Policisë së Shtetit arrestuan:

1- Z. Daniel Gjura, ish-drejtor i Agjencisë Shtetërore të Kadastrës në Dibër dhe ish-kandidat për deputet i subjektit politik pushtetmbajtës Partia Socialiste e Shqipërisë.

Ai ishte i shpallur në kërkim policor i konsideruar si i përfshirë në një skemë mashtrimi për tjetërsim pronash për llogari të:

1- Z. Teshar Doçi, ndaj të cilit është shqiptuar masa e sigurimit “arrest në burg”; masë sigurimi me referencën e lartparashtruar është shqiptuar edhe ndaj z. Fatjon Çakrri.

Ndaj tyre zhvillohen hetime penale paraprake për shkelje penale të parashikuar si:

1- “Mashtrimi”.

2- “Falsifikimi i dokumenteve”.

Z. Daniel Gjura

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit