DIAMANTI “BLUE MELLON” U SHIT PËR 25 MILIONË $.

Gjenevë, Konfderata e Zvicrës | “Mellon Blue”, një diamant blu intensiv prej 9.51 karatësh i vendosur në një unazë, u shit në Gjenevë të martën për më shumë se 25 milionë dollarë, një çmim në përputhje me vlerësimet fillestare për një gur me qartësi të jashtëzakonshme.

Shtëpia e ankandeve Christie's e njoftoi këtë lajm.

Diamanti ishte vlerësuar nga shtëpia e ankandeve midis 20 dhe 30 milionë dollarëve.

“Ai u shit për 17.4 milionë franga zvicerane, për një çmim përfundimtar prej 25,592,269 dollarësh ($) duke përfshirë tarifat”, sipas Christie's.

I njëjti gur, i njohur atëherë si “Diamanti Zoe”, u shit për 32.6 milionë dollarë në Sotheby's në Jorkun e Ri në vitin 2014, duke vendosur rekorde botërore në atë kohë për një diamant blu dhe për çmimin e tij për karat.

Guri i përkiste për dekada znj. Rashel (Rachel) Lambert Mellon, e njohur më mirë si “Bunny” Lambert Mellon (1910–2014), një hortikulturiste, filantrope dhe koleksioniste arti amerikane.

Në atë kohë, guri ishte montuar si varëse.

“Bunny Mellon” është veçanërisht e njohur për ridizajnimin e Kopshtit të Trëndafilave të Shtëpisë së Bardhë në vitin 1961 me kërkesë të ish-Presidentit Xhon F. Kenendi (John F. Kennedy).

Çmimi më i lartë i arritur ndonjëherë nga Christie's për një diamant blu intensiv u vendos në Gjenevë në vitin 2016, kur “Oppenheimer Blue” (14.62 karat) u shit për 57.5 milionë dollarë ($).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit