BURGU I FIERIT | I DËNUARI BLEDAR SELMANAJ I AKUZUAR PËR VRASJEN E XHULIAN BULLARIT U PËRPOQ TË ARRATISEJ NGA BURGU; U ARRESTUA.

Fier, Shqipëri | Strukturat vendore të Policisë së Burgjeve arrestuan:

1- Z. Bledar Selmanaj.

Ai konsiderohet subjekt që u përpoq të arratisej nga burgu, ku po vuan dënim penal për vrasjen e:

1- Z. Xhulian Bullari.

Deklaratë | Më datë 24.09.2025, rreth orës 03:48, i paraburgosuri Bledar Selmanaj ka tentuar të arratiset.

Ai ka dalë përmes një vrime të hapur në mur me mjete rrethanore dhe është ngjitur në tarracë nëpërmjet një tubi metalik, duke u fshehur pa kaluar asnjë perimetër sigurie.

Forcat e sigurisë janë vënë në lëvizje dhe pas kontrollit të territorit është bërë lokalizimi dhe ndalimi i tij.

Gjatë ndalimit, i paraburgosuri ka kundërshtuar me forcë punonjësit e Policisë së Burgjeve.

Aktualisht, ai është i akomoduar në dhomat e veçimit, deri në përfundimin e veprimeve hetimore për zbardhjen e plotë të kësaj ngjarjeje.

Ky shtetas ka tentuar edhe dy herë të tjera të arratiset nga institucionet e ekzekutimit të vendimeve penale në Shqipëri, përmes veprimeve aktive.

Drejtoria e Përgjithshme e Burgjeve siguron dhe garanton një nivel të lartë sigurie dhe mbarëvajtje të qetë në sistemin e burgjeve, thuhet në deklaratën për shtyp të Drejtorisë së Përgjithshme të Burgjeve.

Z. Bledar Selmanaj

Z. Bledar Selmanaj dhe z. Xhulian Bullari

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit