BRITANI | U LIRUA NGA BURGU NJË NGA TERRORISTËT ISLAMISTË MË TË RREZIKSHËM | MOHAMMED SHAHJAHAN U BURGOS NË 2012 PËR PLANIFIKIMIN E SULMEVE TERRORISTE KUNDËR BORIS XHONSONIT (JOHNSON); BIG BEN-it, ...

Londër, Mbretëria e Bashkuar | Autoritetet përgjegjëse liruan nga burgu një nga terroristët islamistë më të rrezikshëm të vendit.

38-vjeçari Mohammed Shahjahan u burgos në vitin 2012 për planifikimin e sulmeve terroriste të profilit të lartë kundër Boris Xhonsonit (Johnson), Big Ben-it dhe Bursës së Londrës.

Pavarësisht një përpjekjeje të dështuar për lirim me kusht në vitin 2023, ai tani është liruar pas një shqyrtimi tjetër gjyqësor.

Ministria e Drejtësisë konfirmoi vendimin, duke thënë se:

1- “Ky vendim u mor nga Bordi i Pavarur i Lirimit me Kusht”.

Një pikëpamje kundër lirimit u dha nga Lord Kancelari në muajin shtator të vitit 2024.

Pas shqyrtimit të plotë të vendimit të Bordit të Lirimit me Kusht, u arrit në përfundimin se nuk kishte bazë ligjore për të kërkuar rishqyrtim.

I liruari (është nga Stoke-on-Trent) dhe banda e tij ishin konsideruar prej kohësh një kërcënim i madh ekstremist.

Ai u etiketua si “ameer” - ose udhëheqësi - i celulës Stoke dhe shihej nga shërbimet e sigurisë si një rekrutues kyç.

Grupi Stoke ishte i frytshëm në përhapjen e ideologjisë së tyre të deformuar.

Hetuesit besonin se grupi kishte aftësinë dhe vendosmërinë për të kaluar nga fjalët në veprime.

Celula Stoke fillimisht ishte lidhur me ekstremistët në Londër dhe Kardif (Cardiff) që në vitin 2010, duke rënë dakord se sulmet terroriste në tokën britanike ishin të justifikuara për shkak të përfshirjes së Mbretërisë së Bashkuar në luftërat jashtë shtetit.

Aktivitetet e tyre tërhoqën vëmendje të thellë dhe në vitin 2012; ata u rrëzuan më në fund në një operacion të madh të përbashkët të MI5-ës dhe policisë.

Në gjyqin e tyre në Gjykatën e Kurorës Ulluiç (Woolwich), gjyqtarët vendosën se burrat përbënin një rrezik kaq të rëndësishëm saqë u dhanë dënime me burgim të pacaktuar.

Por këto dënime u rrëzuan më vonë në apel, që do të thotë se ata do të bëheshin të kualifikuar për lirim në gjysmë të dënimit.

Në vitin 2019, z. Shahjahan u lirua në gjysmë të dënimit të tij 16-vjeçar sipas rregullave të lirimit automatik.

Por ai u thirr një vit më vonë pasi shkeli kushtet e licencës kur etiketa e tij elektronike tregoi se kishte arritur të shmangte monitorimin për të vizituar gruan e tij.

Bashkëpunëtori i tij i ngushtë Usman Khan u lirua gjithashtu herët dhe vazhdoi të vriste 2 të rinj gjatë sulmit terrorist në “Fishmongers' Hall” në muajin nëntor të vitit 2019 (ai në të cilin publiku kundërshtoi në Urën e Londrës me një dhëmb narwal).

Z. Khan u qëllua për vdekje nga policia pasi theri me thikë të diplomuarit e Kembrixhit, Xhek (Jack) Merritt dhe Saskia Xhouns (Jones).

Z. Hussain, një tjetër anëtar i bandës, u lirua gjithashtu herët para se të arrestohej përsëri më vonë në një rast të palidhur.

Lajmi për lirimin e z. Shahjahan ka shkaktuar zemërim të ri, me kritikët që paralajmërojnë se ai mbetet një rrezik.

Deputeti konservator Nixhll (Nigel) Mills tha:

1- “Shpresoj sinqerisht që ai të mos lirohet. Usman Khan u lirua dhe ai vazhdoi të kryente një sulm të tmerrshëm terrorist. Ky është qartë një njeri që është një nga njerëzit më të rrezikshëm në vend”.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit