KUSH JANË ISLAMISTËT SHIITË MISTIKË QË MBËSHTESIN PRESIDENTIN BASHAR AL-ASAD? | ALAVITËT PËRFAQËSOJNË 12% TË POPULLSISË SË SIRISË DHE JANË NJË PAKICË E KONSIDERUESHME NË TURQI DHE LIBANIN VERIOR.

Damask, Siri | Alavitët: Kush janë islamistët shiitë mistikë që mbështesin presidentin sirian Bashar al-Asad?

Siria mund të jetë një rajon i vetëm në hartë, por njerëzit e saj janë të ndarë në shumë pjesë, etnikisht dhe fetarisht.

Kjo po shkakton probleme të mëdha në rajonin e gjerë të Lindjes së Mesme, veçanërisht pas sulmit të ndërmarrë nga rebelët kundër presidentit Bashar al-Assad.

Ky është një sulm, i cili, cilësohet si terrorist nga Irani dhe gjithçka tregon se është një kërcënim për Lindjen e Mesme, sipas asaj që kreu i diplomacisë iraniane tha nga Bagdadi.

Në Siri ka grupe të ndryshme etnike si dhe dhjetëra besime islamike dhe të krishtera. Midis tyre janë alavitët islamikë mistikë, mbështetës të vendosur të Bashar al-Asadit.

Çfarë janë alavitët?

Alavitët, të njohur gjithashtu si nusairitët ose ansaritët, janë një grup i rëndësishëm fetar mistik, me qendër në Siri, që ndjekin një degë të Islamit shiit, rreth imamëve Shiitë të Dymbëdhjetë.

Alavitët e nderojnë Aliun (Ali Ibn Ebi Talib), ndërsa emri i tyre Alavitë do të thotë pasuesit e Aliut. Grupi besohet të jetë themeluar nga Ibn Nusair gjatë shekullit të 8-të.

Sot, alavitët përfaqësojnë 12% të popullsisë së Sirisë dhe janë një pakicë e konsiderueshme në Turqi dhe Libanin verior.

Ka gjithashtu një popullsi të konsiderueshme prej tyre, që jetojnë në fshatin Gahar në Lartësitë Golan të pushtuara nga Izraeli.

Ata shpesh ngatërrohen me Alevitë e Turqisë, një sekt tjetër shiit.

Alavitët janë grupi fetar mbizotërues në rajonet bregdetare siriane, të cilat janë të banuara gjithashtu nga sunitë, të krishterë dhe ismailitë.

Historia e alavitëve: Alavitët historikisht i kanë mbajtur të fshehura besimet e tyre në sekte të tjera fetare, pasi ata, si shiitët në përgjithësi, janë të persekutuar për besimet e tyre nga sundimtarët myslimanë sunitë të rajonit.

Pushtimi i rajonit sirian, në fillim të shekullit të 20-të, nga francezët solli shumë ndryshime në rajon.

Francezët u dhanë shumë privilegje minoriteteve, ndërsa ata vazhduan me krijimin e shtetit alavit, një protektorat i Francës në rajon.

Që nga vitet 1970, Siria është qeverisur nga familja Alavite Assad. Së pari me Hafez al-Assad dhe më pas me Bashar al-Assad.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit