BOLIVI | KISHA BËN THIRRJE PËR T’I DHËNË FUND KAOSIT NË RRUGË; BËN THIRRJE PËR BISEDIME MES QEVERISË DHE PROTESTUESVE.

La Paz, Bolivi | Konferenca Episkopale Boliviane (CEB) ka nisur një thirrje urgjente për dialog, ndërsa Bolivia hyn në javën e katërt të protestave dhe bllokadave kundër Presidentit Rodrigo Paz.

Në një deklaratë të lexuar nga Sekretari i Përgjithshëm i CEB-së, Xhovani (Giovani) Arana, Kisha i bëri thirrje qeverisë dhe sektorëve të mobilizuar që të  rizbulojnë rrugën e dialogut me sinqeritet dhe përgjegjësi, duke denoncuar ndikimin social në rritje të krizës.

Sipas peshkopëve, familjet po vuajnë nga mungesa e ushqimit, vështirësi në aksesin në kujdesin mjekësor dhe çmime në rritje të ndjeshme, me të paktën katër vdekje të shkaktuara nga pamundësia e ambulancave për të arritur në spitale.

Në La Paz dhe El Alto, kostoja e nevojave themelore është trefishuar në javët e fundit për shkak të bllokimeve të rrugëve, dhe çmimi i pulës, sipas raporteve të mediave vendore, është rritur nga 16 në 56 bolivianë për kilogram, të barazvlefshëm me rreth 7 €.

Ndërkohë, përleshjet vazhdojnë sot midis protestuesve nga Central Obrera Boliviana (COB) dhe policisë në qendër të La Paz, ndërsa bllokadat e reja kanë paralizuar aksesin në Aeroportin Ndërkombëtar të El Alto, duke shkaktuar vonesa dhe shqetësime për pasagjerët.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit