BILISHT | PËR ALTI NALLBATIN (VËLLAI I DEPUTETITT BLEDJON NALLBATI); MARSEL BUÇIN; TRAJAN ÇELIKUN U NDRYSHUA MASA E SIGURIMIT VETJAK; MORËN PENG DHE DHUNUAN INFORMATORIN E POLICISË SË SHTETIT.

Korçë, Shqipëri | Autoritetet gjyqësore ndryshuan masat e sigurimit vetjak “arrest në burg” pas rreth dyzet ditësh qëndrimi në paraburgim për:

1- Z. Alti Nallbati, i njohur me nofkën Duçja, (vëllai i deputetit të subjektit politik pushtet-kërkues Partia Demokratike e Shqipërisë Bledjon Nallbati).

2- Z. Marsel Buçi.

3- Z. Trajan Çeliku.

Tashmë ata do të duhet t’i nënshtrohen masës së sigurimit vetjak “arrest në shtëpi”.

Ndaj tyre zhvillohen hetime penale paraprake për shkelje penale të parashikuar si:

1- “Heqje e paligjshme e lirisë”.

2- “Kanosje”.

3- “Plagosje të lehtë me dashje”.

Ata konsiderohen subjekte që morën peng dhe dhunuan fizikisht informatorin e Policisë së Shtetit Ilir Topçiu, me moshë 32 vjeç, në qytetin e Bilishtit, në magazinën në pronësi të njërit prej tyre.

Kjo ngjarje kriminale i hëngri kokën Drejtorit të Drejtorisë Vendore të Policisë së Shtetit Korçë Erion Ahmeti, i cili, u shkarkua nga detyra.

Masë pezullimi nga detyra u shqiptua edhe për:

1- Zv/Drejtorin për hetimin e krimit në DVP Korçë, Hajri Kushe.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit