FSHATI VISHOCICË; DEVOLL | U SHOQËRUAN PËR INTERVISTIM POLICOR ALTI NALLBATI; TRAJAN ÇELIKU; MARSEL BUÇI; PENGMARRJE DHE AKTE DHUNE FIZIKE NDAJ ILIR TOPÇIUT.

 Z. Alti Nallbati dhe deputeti i subjektit politik pushtet-kërkues Partia Demokratike e Shqipërisë Bledion Nallbati.

Fshati Vishocicë, Devoll, Shqipëri | Strukturat vendore të Policisë së Shtetit shoqëruan për intervistim policor:

1- Z. Alti Nallbati (vëllai i deputetit të subjektit politik pushtet-kërkues Partia Demokratike e Shqipërisë Bledion Nallbati).

2- Z. Trajan Çeliku.

3- Z. Marsel Buçi.

Ata konsiderohen subjekte të përfshirë në pengmarrje dhe në ushtrim dhune fizike ndaj:

1- Z. Ilir Topçiu, në fshatin Vishocicë, ndaj të cilit, ishte në fuqi një masë sigurimi vetjake “arrest në shtëpi”.

Lajm në përditësim (01.11.2025). 👇👇👇

Njoftim | Devoll.

Morën me forcë nga banesa për motive të dobëta një 32-vjeçar, e kërcënuan me jetë dhe ushtruan dhunë fizike ndaj tij, vihen në pranga 3 shtetas.

Shërbimet e Komisariatit të Policisë Devoll, pas kallëzimit të bërë më datë 30.10.2025, nga shtetasi I. T., 32 vjeç, i cili deklaroi se më datë 27.10.2025, tre shtetasit M. B., T. Ç. dhe A. N., në bashkëpunim me njëri-tjetrin, e kishin marrë me forcë dhe mbajtur për disa orë në një biznes privat, ku e kishin kanosur dhe ushtruar dhunë fizike ndaj tij, organizuan punën për kapjen e tyre.

Në këtë kuadër, specialistët për Hetimin e Krimeve në Komisariatin e Policisë Devoll bënë ndalimin e shtetasve:

A. N., 42 vjeç, banues në Bilisht, dhe T. Ç., 38 vjeç, banues në fshatin Braçanj, për veprat penale “Heqja e paligjshme e lirisë” dhe “Kanosja”, të kryera në bashkëpunim;

M. B., 37 vjeç, banues në Devoll, për veprat penale “Heqja e paligjshme e lirisë”, “Plagosja e lehtë me dashje” dhe “Kanosja”, të kryera në bashkëpunim.

Nga hetimet dyshohet se këta shtetas kanë marrë me forcë nga banesa shtetasin I. T., 32 vjeç, banues në fshatin Braçaj, Bashkia Devoll, i cili ishte me masë sigurimi “Arrest në shtëpi”, për veprën penale “Shkelja e rregullave të qarkullimit rrugor”, dhe e kanë çuar në një biznes privat, ku është keqtrajtuar.

Nën drejtimin e Prokurorisë, vijon puna për dokumentimin e plotë të ngjarjes dhe sqarimin e motivit të saj.

Materialet procedurale iu referuan Prokurorisë së Korçës, për veprime të mëtejshme, thuhet në njoftimin e Policisë së Shtetit.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit